Një burrë në Kinë ka shitur foshnjën për 19 mijë euro një gruaje qe e ka njoftuar përmes internetit, pasi që kishte mbetur pa punë për shkak të pandemisë së coronavirusit dhe nuk kishte para për ta mbajtur.

Siç raportojnë mediat kineze bëhet fjalë për një emigrant i cili tashmë ka dy fëmijë, i cili i ka thënë policisë se ishte ballafaquar me probleme të mëdha financiare, pasi që kishte mbetur pa punë si rezultat i COVID-19, transmeton Telegrafi.

Ai kishte bindur gruan që ishte shtatzënë të pajtohet me idenë e kundërligjshme të shitjes, para se ta shisnin djalin 40 ditësh gruas që me çdo kusht kërkonte një djalë.

Policia mësoi për “transaksionin” krejt rastësisht, kështu “blerësja” u është dukur e dyshimtë organeve të rendit derisa ajo po udhëtonte me tren së bashku me foshnjën.

Policët e kishin lutur që të zbret nga treni në qytetin kinez Hefei, ku më pas është marrë në pyetje dhe ka pranuar se kishte paguar një shumë të caktuar të parave për foshnjën.

Policia lokale menjëherë filloi hetimet dhe mësoi për prindërit biologjik që janë emigrantë që punojnë në Kinë.

Dyshja tashmë kanë dy djem, njëri 7-vjeç e tjetri 2, e kur e ëma e tyre mbeti shtatzënë për herë të tretë, është detyruar të mos punojë më.

Bashkëshorti i saj nuk kishte mundur të gjejë punë për shkak të pandemisë së coronavirusit, dhe mendoi se shitja e fëmijës do t’i sjell atij para për të mbetur gjallë.

Ata rrezikohen të dënohen me 10 vite heqje lirie për shkak të tregtisë me fëmijë, kurse në disa raste dënohen edhe me burgim të përjetshëm e madje edhe me dënim me vdekje. /Telegrafi/