Huawei do ta lansojë me 18 shtator modelin Mate 30, që ka një mungesë shumë të madhe.

Për shkak të ndalesave të mëdha që ia kanë bërë Shtete e Bashkuara, në këtë telefon nuk do të jetë shërbimet e Google, gjë që do t’i mungojë shumë, një telefoni në ditë e sotme, transmeton Telegrafi.

Reuters raporton se në këtë telefon nuk do të jetë Google Play, Gmail dhe Google Maps, aplikacione që janë të domosdoshme për sistemin operativ Android.

Të lansuarit e Huawei Mate 30 në këtë formë, e bënë këtë telefon të padobishëm, kryesisht për ata që kanë llogaritë në shërbimet e Google. Në Kinë, kjo nuk vlenë sepse atje as që hapet Google, ndërsa janë shërbimet tjera si Baidu dhe Youku, për t’i zëvendësuar.

Me gjithë këtë mungesë, Huawei i ka nisur dërgesat e para, mirëpo, nuk dihet nëse do të ketë kërkesë aq të madhe për këtë telefon të zgjuar. /Telegrafi/