Shefi i një kompanie në Indi ua dha pushim punëtorëve të tij për të ndjekur sezonin e ri të “La Casa de Papel”

Janë publikuar të premten e 3 shtatorit pesë episodet e reja të sezonit të ri të “La Casa de Papel”, i pesti me radhë.

Miliona shikues në mbarë botën e kanë pritur me padurim serialin, i cili shquhet si seriali më i ndjekur në gjuhë të huaj në platformën Netflix.

E mesa duket në një kompani indiane, ka aq shumë fansa të këtij seriali, sa shefi i saj ka vendosur që të ua japë punëtorëve të gjithëve pushim në ditën e lansimit të sezonit të ri të këtij seriali.

Përmes një e-maili, CEO i “Verve Logic” (një kompani e zhvillimit telefonik), Abhishek Jain, ua ka konfirmuar stafit të tij se më 3 shtator do ta kenë pushim.

Ai i ka falënderuar të gjithë për punën e palodhur të bërë gjatë pandemisë COVID-19, teksa ka shkruar se e meritojnë një pushim të tillë, aq më tepër me një prodhim kinematografik si ai i “La Casa de Papel”.

Have Been Going Over the Love We have Received.!
Yes it is real and we are absolutely happy to announce an off on 3rd September naming it to be "Netflix & Chill Holiday" on the release of final season of #MoneyHeist @NetflixIndia– Please don't end this one! "Kehdo Ye Juth Hai"❤️ pic.twitter.com/M9RmFbZPOi

— Verve Logic (@VerveLogic) August 30, 2021

“Merrni kokoshkat dhe përgatituni t’i jepni një lamtumirën e fundit profesorit tonë më të dashur dhe gjithë kastit. Me këtë, “Verve Logic” do të donte të falënderonte të gjithë anëtarët e saj që kanë treguar një shpirt të mahnitshëm gjatë punës nga shtëpia dhe na kanë ndihmuar të dalim bukur nga kohët e vështira”.

Shefi e përfundoi e-mailin e tij, duke shkruar “Bella Ciao, Bella Ciao” – e cila është fraza ikonike e kolonës zanore të këtij seriali. /Telegrafi/