Zëdhënësi i Departamentit amerikan të Shtetit, John Kirby gjatë një konference me gazetarët tha se vendi i tij nuk ka ndonjë lidhje me tentativën e 15 korrikut për grusht shteti në Turqi.
Në përgjigje të një pyetjeje në konferencën ditore të shtypit, Kirby reagoi ndaj komenteve që e vendosin ShBA-në prapa tentativës së grushtit të shtetit në Turqi.
“Turqia nuk është vetëm një aleat, por njëherësh edhe mik”, tha Kirby.
Turqia luan një rol të rëndësishëm në operacionet që zhvillohen kundër organizatës terroriste DAESH dhe marrëdhëniet ndërmjet Uashingtonit dhe Ankarasë në lidhje me këtë çështje do të vazhdojnë”,- shto ai.
Kirby iu përgjigj edhe një pyetjeje lidhur me ekstradimin e kreut të organizatës FETO/PDY, Fethullah Gulen, duke bërë sqarime edhe për komentet se marrëdhëniet Turqi-Amerikë do të prekeshin nga mos-ekstradimi i Gulenit.
“Në lidhje me Gulenin dhe ekstradimin e tij ne bisedojmë rregullisht me autoritetet turke. Ekstradimi është një çështje që ka të bëjë me provat”, u shpreh Kirby, duke shtuar se ky proces përparon ashtu siç duhet në kuadër të Ministrisë së Punëve të Jashtme dhe Ministrisë së Drejtësisë.
“Siç e kam shprehur edhe më parë, na kanë mbërritur disa dokumente dhe po i analizojmë ato. Por për momentin nuk ka ndonjë zhvillim të ri lidhur me këtë çështje”,- sqaroi Kirby.
“Ne e kemi dënuar tentativën për grusht shteti dhe i kuptojmë hapat që ka hedhur Qeveria turke pas kësaj tentative. Zgjidhja e kësaj çështjeje deri në fund është një detyrim i qeverisë ndaj qytetarëve. Çështja duhet të hetohet dhe të ngarkohen me përgjegjësi pjesëmarrësit në këtë tentativë për grusht shteti”,- tha zëdhënësi i departamentit amerikan.
Në përgjigje të pyetjeve mbi masat e marra në Turqi pas tentativës së grushtit të shtetit, John Kirby tha: “Po ua lë autoriteteve turke të flasin mbi arsyet e vendimit që kanë marrë (pas puçit). Sukseset e tyre demokratike janë të rëndësishme për ne. Me autoritetet turke ne do të vazhdojmë të kemi marrëdhënie të ngushta gjatë këtij procesi si një vend mik dhe aleat i tyre”.
Gazetarët e pyetën zëdhënësin edhe për takimin që presidenti Rexhep Tajip Erdoan (Recep Tayyip Erdoğan) do të realizojë muajin e ardhshëm me kryetarin e Shtetit të Rusisë, Vladimir Putin.
“Turqia është një vend i pavarur dhe i gëzon të gjitha të drejtat për të ndërtuar marrëdhënie dypalëshe dhe shumëpalëshe, që ajo mendon se do ta forcojnë dhe përparojnë edhe më shumë. Për ne ajo që është e rëndësishme në lidhje me Turqinë ka të bëjë me marrëdhëniet që ne kemi ndërtuar me këtë vend në kuadër të NATO-s dhe koalicionit kundër DAESH-i”,- vlerësoi John Kirby.
Promo
Reklamo këtuLufta Prigozhin - Putin
Më shumëDroni ukrainas hedhë në erë anijen ruse në Krime, pamje nga aksioni
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Dy vëllezër australianë dhe një turist amerikan që ishin zhdukur, janë vrarë nga hajnat që trupat e tyre i kishin hedhur në një bunar në Meksikë
Shtatë të vdekur nga sulmi me dronë ukrainas në Belgorod të Rusisë
Tornadoja merr “me vete” depon në Nebraska, erërat frynin me shpejtësi mbi 250 km/h – nuk raportohet për të lënduar
Ministri italian i Mbrojtjes bën thirrje për armëpushim në Ukrainë, negociata paqeje me Rusinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'