Seria A përgatit homazhe për Maradonan – Nga një minutë heshtje, deri tek shiritat e zinj në krahë

Kryebashkiaku i Napolit, Luigi De Magistris ka thënë që stadiumi San Paolo do të emërohet ‘Diego Maradona’ javën e ardhshme dhe Seria A përgatit homazhe në minutën e 10-të të javës së nëntë në nder të legjendës argjentinase.

Maradona ndërroi jetë të mërkurën për shkak të një sulmi në zemër dhe Napoli mbajti zi për legjendën e tyre në fitoren në shtëpi kundër HNK Rijeka në Ligën e Evropës mbrëmë.

Stadiumi historik i Napolit tani do të riemërtohet Stadio San Paolo-Maradona dhe kryetari i bashkisë konfirmoi se do të jetë zyrtar javën e ardhshme.

“Javën tjetër, ne do ta vendosim zyrtarisht Stadio San Paolo me emrin e Diego Armando Maradona”, ka thënë ai për Radio Punto Nuovo.

Lexo po ashtu Kryebashkiaku i Napolit: Stadiumi San Paolo do të marrë emrin e Maradonas, populli dhe qyteti e do atë

Lega Serie A dhe të gjitha klubet do t’i japin nderim Maradonës gjatë javës së nëntë të Serie A dhe njoftuan zyrtarisht një listë të iniciativave:

Ngrohja: Gjatë ngrohjes së ekipeve, videoja e famshme e Maradonës e vitit 1989 do të transmetohet në ekranet e mëdha të stadiumeve, në muzikën e ‘Live is Life’.

As a tribute to Maradona, this iconic video will be played on the big screens at every Serie A match this weekend while the players are warming up 💙

(via @NapoliAndNaples)pic.twitter.com/WVtW0UQFey

— ESPN FC (@ESPNFC) November 27, 2020

Shirita të zinj: Të gjithë lojtarët do të dalin në fushë me një shirit të zi në krahun e majtë.

Një minutë heshtje: Një minutë heshtje do të kryhet para fillimit në çdo ndeshje, me lojtarët dhe zyrtarët e ndeshjes të rreshtuar rreth rrethit të mesfushës.

Serie A will be paying tribute to the passing of Diego Maradona by:

• Warming up to a famous video from 1989 of Diego dribbling

• One minute of silence on the midfield circle before kick off

• Black armbands

• Each match will stop on the 10th minute for a 1 minute tribute pic.twitter.com/GcPjEDPOVz

— Italian Football TV (@IFTVofficial) November 27, 2020

Gjatë minutës së heshtjes, një imazh i Maradonës do të projektohet në ekranet e mëdha dhe aty ku zakonisht ndodhet logoja e Serisë A TIM, mesazhi ‘Ciao Diego’ do të projektohet.

Përkujtim në minutën e 10-të: Në minutën e 10-të të çdo ndeshje të javës së nëntë në Serie A, imazhi i Diego Armando Maradonas do të projektohet përsëri në ekranet gjigante të stadiumit, për një nderim përfundimtar që do të zgjasë një minutë.

/Telegrafi/