Serbia dëbon rusen që ishte kundër luftës, Stradner kërkon reagim ndërkombëtar

Serbia ka dëbuar një shtetase ruse pasi ka nënshkruar një deklaratë kundër luftës pushtuese të Rusisë në Ukrainë.

Ndaj kësaj ka reaguar analistja amerikane, Ivana Stradner.

NË një shkrim në rrjetin social “X”, ajo ka apeluar bashkësinë ndërkombëtare që të reagojë ndaj kësaj situate, veçmas.

“Serbia ka dëbuar një shtetase ruse sepse ka nënshkruar një deklaratë kundër luftës! Ku janë tani diplomatët perëndimorë që avokojnë që Vuçiq të thotë diçka? Në dhjetor, thirra miqtë e mi në Serbi dhe u thashë të largoheshin nga vendi pasi gjërat vetëm do të përkeqësohen”, ka shkruar ajo në X.

Më herët, gjatë ditës, pati reagim edhe nga  avokati serb, Çedomir Stojkoviq.

Ai tha se ka biseduar me rusen e dëbuar nga Serbia, Lena Koposova.

“Sapo fola me rusen Lena Koposova, të cilën Serbia po e dëbon sepse nënshkroi një deklaratë në Serbi kundër luftës, në shkurt të vitit 2022, kundër agresionit të Rusisë ndaj Ukrainës. Prandaj në vitin 2024 u shpall si ‘kërcënim për sigurinë kombëtare’”, shkroi Stojkoviq.

Sipas tij,  Lena Koposova nuk ka pasur asnjë aktivitet tjetër politik dhe antiluftë në Serbi, përveç nënshkrimit të asaj deklarate kundër luftës.

“Familja e saj u shpërngul nga Shën Petersburg në vitin 2018, ku përfshihen dy fëmijë të mitur. Ata blenë një shtëpi afër Beogradit dhe ende po punojnë për të. Fëmijët ndjekin shkollat ​​në Serbi. Të gjithë flasin serbisht shkëlqyeshëm. Ata për vite me radhë kanë qenë qytetarë shembullorë me qëllim që të bëhen shtetas të Serbisë, për të cilën sapo kanë plotësuar kushtet, por tani me vendim të kundërligjshëm iu është mohuar kjo e drejtë. Me lot në sy, Lena më pyeti: “Çfarë kam bërë gabim?! Serbia votoi në GA OKB për të dënuar agresionin ndaj Ukrainës, ashtu siç nënshkrova deklaratën kundër luftës”./Telegrafi/

ℹ️ I just spoke with the Russian Lena Koposova, whom Serbia is expelling because she signed an anti-war statement in Serbia in February 2022 against Russia’s aggression against Ukraine. That is why it was declared in 2024 as a “threat to national security”.

1️⃣ With this post,… https://t.co/FtOch5C4zv

— Advokat Čedomir Stojković ☘️🇷🇸🇺🇦🌏 (@FIGHT_4_RIGHT_S) February 5, 2024

Serbia has expelled a Russian citizen because she signed an anti-war statement!

Where are now Western diplomats who advocate for Vucic to say something?

In December, I called my friends in Serbia and told them to leave the country as things will only get worse. https://t.co/HNLvNkGvlO

— Ivana Stradner (@ivanastradner) February 5, 2024