LAJMI I FUNDIT:

Seanca gjyqësore për katër lëndë të Prokurorisë Speciale në Gjykatën Penale

Seanca gjyqësore për katër lëndë të Prokurorisë Speciale në Gjykatën Penale

Në Gjykatën Penale në Shkup sot është planifikuar të mbahen seanca gjyqësore për katër lëndë të Prokurorisë Speciale – “Tortura”, “Tanku” për procedurën e ndarë ndaj Jankulloskës, “Titanik” dhe “Titanik 3”.

Në rastin “Tortura” duhet të dëgjohen 35 incizime audio shtesë që me kërkesë të prokurores Lile Stefanovska publiku do të përjashtohet për shkak të lëndimit të mundshëm të privatësisë. “Tortura” i referohet mënyrës për privim nga liria të liderit të Partisë për Maqedoni të Bashkuar dhe ish ministër i Brendshëm, Lube Boshkovski më 6 qershor të vitit 2011, një ditë pas zgjedhjeve të parakohshme parlamentare. Në këtë lëndë të akuzuar janë ish drejtori i DSK-së Sasho Mijallkov, ish njeriu i parë i Njësitit “Alfa” Ivica Antevski- Puki dhe pesë pjesëtarë tjerë të Njësitit.

Në Gjykatën Penale duhet të vazhdojë gjykimi për ish-ministren për Punë të Brendshme Gordana Jankullovska në procedurë të ndarë për rastin “Tanku” të PSP-së.

Në seancat e kaluara janë dëgjuar dëshmitarë, që në një mënyrë janë përfshirë në furnizimin publik të veturës së blinduar “Mercedes Gard” në vlerë prej 600 mijë eurove në vitin 2012.

Sot duhet të vazhdojë gjykimi edhe për rastin “Titanik”. Seanca e kaluar ishte anuluar për shkak të sëmundjes së të akuzuarit Martin Protugjer. Në lëndën “Titanik” të akuzuar janë ish-kryeministri Nikolla Gruevski dhe ish-funksionarët Martin Protugjer, Kiril Bozhinovski, Mile Janakieski, Gordana Jankullovska, Biljana Brishkoska Boshkovski, si dhe Ilija Dimovski, Munir Pepiq, Edmond Temellko dhe të tjerë.

Ndërkaq, në lëndën “Titanik 3”, të akuzuar janë deputeti i BDI-së Ejup Alimi dhe Ismet Guri për mashtrime zgjedhore në Komunën e Çairit në zgjedhjet lokale./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori