Se si funksionojnë raketat “Javelin” e dëshmojnë më së miri këto pamje – ushtarët ukrainas i hedhin në erë tanket ruse në fushëbetejë

Forcat ukrainase kanë shkatërruar disa mjete ruse me raketat anti-tank “Javelin”, sipas pamjeve të publikuara në internet.

Trupat ukrainase lokalizuan fillimisht disa mjete ruse BMD-4 dhe tanke të blinduara të ushtrisë ruse, më pas aktivizuan në fushëbetejë raketat Javelin, të cilat i mori nga Britania, transmeton Telegrafi.

Automjetet luftarake ruse shpërthyen në flakë masive kur u goditën me këto raketa dhe një numër ushtarësh rusë mbetën pa ndjenja.

Këto pamje e dëshmojnë më së miri se si funksionojnë këto lloj raketash në arenën e luftimeve.

Lexo po ashtu Amerika pranon kërkesën e Kosovës për blerjen e raketave "Javelin"

Raketat anti-tank, “Javelin” janë raketa me rreze të mesme veprimi që u mundëson ushtarëve t’i shkrepin duke i vendosur në krahë.

Ato kanë efekte precize drejt caqeve për të shkatërruar tanke dhe automjete të tjera të blinduara.

Lexo po ashtu Çfarë janë dhe si funksionojnë raketat anti-tank “Javelin” të cilat do t’i blejë Kosova

Ndryshe, së fundmi edhe Kosova mori dritën jeshile nga SHBA-ja për blerjen e këtyre raketave anti-tank “Javelin” dhe pritet që së shpejti të pajisjet me to.

Një raketë Javelin kushton rreth 180 mijë dollarë. /Telegrafi/