0Shares

Së shpejti pritet të riaktivizohet linja ajrore e drejtpërdrejtë Sarajevë – Shkup, paralajmëruan sot në Shkup ministrat e Transportit dhe Lidhjeve të dy shteteve Goran Sugareski dhe Ismir Jusko.

Dy ministrat në konferencë për shtyp në Qeverinë e Maqedonisë theksuan se angazhimet e dy qeverive do të jenë që sa më shpejt të jetë e mundur të vendoset kjo linjë ajrore, përcjell Telegrafi Maqedoni.

Zgjidhja e kësaj çështje, sipas ministrit Sugareski, është me rëndësi të jashtëzakonshme për dy shtetet.
“Shpresoj se kjo linjë ajrore, e cila është pezulluar para disa viteve do të aktivizohet sërish në afat sa më të shpejtë të mundur, me qëllim që qytetarët të munden në mënyrë më të shpejtë të arrijnë në Sarajevë dhe në Shkup”, theksoi Sugareski.

Me vendosjen e linjës ajrore mes qyteteve kryesore të dy shteteve pritet që do të lehtësohet komunikimi mes qytetarëve dhe sektorit të biznesit.

Mes Maqedonisë dhe Bosnjës e Hercegovinës nga viti 2004 ekziston marrëveshje dypalëshe për qarkullim ajror./Telegrafi/

Të Ngjajshme
Shfaq Komentet (0)