Përfaqësuesi i Lartë në Bosnje dhe Hercegovinë, Christian Schmidt, komentoi për mediat gjermane kërcënimet e presidentit të Republikës Srpska, Milorad Dodik, se do të arrestohej nëse do të shkelte në territorin e atij entiteti.
Schmidt thotë se do të shkojë në Republika Srpska dhe nuk përjashtoi mundësinë e shkarkimit të Dodikut nëse vazhdon me lëvizje të tepruara.
Në një intervistë që zyrtari gjerman dha për gazetën Frankfurter Allgemeine Zeitung, ai shpjegoi se si planifikon t’i përgjigjet kërcënimit të Dodikut duke thënë se “sigurisht” do të vazhdojë të udhëtojë në Republika Srpska dhe sjelljen e liderit të serbëve të Bosnjës e quajti “çmenduri politike”.
“Unë me të vërtetë kam takime në Republika Srpska në ditët dhe javët në vijim, veçanërisht në Banja Lluka, por edhe në qytete të tjera”, tha Schmidt, duke shtuar se Dodik duhet të ndalojë “çmendurinë e tij egocentrike”.
Ai shpjegoi edhe pse arrestimi i tij është i pamundur nga pikëpamja ligjore, raporton klix.ba.
“Përveç faktit se unë jam subjekt i Konventës Diplomatike të Vjenës dhe gëzoj imunitet, Dodik nuk do të kishte autoritet të urdhëronte arrestimin, sepse ai nuk ka autoritet për të dhënë udhëzime për policinë”, tha ai.
Schimdt paralajmëron Dodikun se duhet të përgatitet “për momente të pakëndshme për të”.
I pyetur nëse do ta largonte Dodikun dhe si do ta bënte, Schmidt iu shmang përgjigjes, “këto janë konsiderata që nuk janë paraqitur paraprakisht. Do të shohim se si do të merret bashkësia ndërkombëtare me dikë që është aleat i ngushtë i Vladimir Putinit”.
Duke folur nëse mund të kishte mbështetjen e presidentit serb, Aleksandar Vuçiq në rast të ndonjë veprimi kundër Dodikut, Schmidt deklaroi se “do të shohim nëse njoftimi i Dodikut është thjesht një bisedë boshe apo nëse do të ketë më shumë, atëherë do të jetë shumë serioze. Unë nuk jam në asnjë mënyrë gati për kompromise”.
Ndryshe, Dodik ka deklaruar se do ta arrestojë Schmidit në momentin që do të shkel Republika Srpska ndërsa nëse gjermani do të nënshkruajë ligjin për pronat shtetërore, atëherë Republika Srpska do ta shpallë pavarësinë prej Bosnje-Hercegovinës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Çfarë thuhet në alarmin e NATO-s për aktivitetet ‘armiqësore’ ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Shoferi ‘harroi frenin e dorës’, rreth 30 të lënduar pasi një furgon akulloresh ‘fshiu përpara’ një turmë fëmijësh në një festival në Kirgistan
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Turqia ndalon të gjithë tregtinë me Izraelin për shkak të luftës në Gaza - vjen reagimi i Tel Avivit
Aktivistja nga Arabia Saudite dënohet me 11 vjet burgim "për shkak të veshjes"
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Ndërpriten mijëra fluturime - Rusia akuzohet se po ndërhyn në sistemet e navigimit të aeroplanëve në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit