LAJMI I FUNDIT:

Sateliti shqiptar, viruset e avancimet teknologjike – parashikimet e ‘çmendura’ që dolën nga seriali “The Simpsons”

Sateliti shqiptar, viruset e avancimet teknologjike – parashikimet e ‘çmendura’ që dolën nga seriali “The Simpsons”

Seriali The Simpsons ka qenë në transmetim për 32 vjet dhe ka sjellë gëzim për fansat në mbarë botën – por çuditërisht ka dhënë një sërë parashikimesh rreth situatave të jetës reale që kanë ndodhur me kalimin e kohës.

Nga avancimet teknologjike që tani janë sende të përditshme e deri te shpërthimet e sëmundjeve, transmeton Telegrafi.

The Simpsons ka pasur 33 sezone – apo më shumë se 700 episode, natyrisht dhe filmi në vitin 2007.

Derisa seriali i animuar mbush 32 vjeç, në listën e mëposhtme janë disa nga parashikimet më të çuditshme që dolën nga ky ‘show’ dhe që ndodhën edhe në realitet.

Ora inteligjente

Në episodin e gjashtë të sezonit 1995, “Lisa’s Wedding”, fansat panë bashkëshortin e Lisa Simpson duke folur në një telefon që ishte në kyçin e dorës.

Ndonëse episodi kishte paraqitur të ardhmen, ora e parë inteligjente nuk u krijua deri në vitin 2013.

Në ditët e sotme, orët inteligjente janë kudo, derisa njerëzit janë në gjendje të bëjnë shumë më tepër se sa thjesht të shohin kohën nga kyçet e dorës.

The Simpsons gjithashtu ka parashikuar edhe teknologji të tilla si lojërat Guitar Hero dhe Farmville, transmeton Telegrafi.

Ebola

Fansat e The Simpsons janë të bindur se seriali parashikoi shpërthimin e Ebolës në vitin 2014 në episodin e vitit 1997, “Lisa’s Sax”.

Në episod, Marge sugjeroi se Barti i sëmurë të lexonte një libër të quajtur “George Curious and the Ebola Virus”.

Sigurisht, Ebola kishte qenë rreth e rrotull për një kohë, por nuk ishte shumë e përhapur në atë kohë.

Vite më vonë, në vitin 2014, fansat vështruan këtë skenë dhe filluan të pyesin nëse shpërthimi i Ebolës ishte planifikuar gjatë gjithë kohës.

Coronavirusi

Në mënyrë të ngjashme me Ebolën, The Simpsons dukej se parashikonin shpërthimin e coronavirusit të vitit 2020 në një episod të vitit 1993.

Në sezonin e katërt të episodit “Marge in Chains”, Springfield goditet me “Gripin Osaka”, pasi u përhap aksidentalisht nga një punëtor japonez i fabrikës.

Njerëzit në qytet nxituan për të gjetur një kurë, por vite më vonë, u kap dhe ngjashmëria me COVID-in.

Megjithatë, ish-shkrimtari i The Simpsons, Bill Oakley e kritikoi krahasimin.

“Nuk më pëlqen të përdoret për qëllime të liga. Ideja që dikush e shpërdoron atë për ta bërë coronavirusin të duket si një komplot aziatik, është e tmerrshme”, ka thënë ai për “The Hollywood Reporter”.

Peshku me tre sy – Sezoni 2, Episodi 4

Në këtë episod të vitit 1990, Bart kapi një peshk me tre të quajtur Blinky në lum pranë termocentralit.

Më shumë se një dekadë më vonë, një peshk me tre sy u zbulua në një rezervuar në Argjentinë. Çuditërisht, vetë rezervuari ushqehej nga uji nga një termocentral bërthamor.

Sateliti shqiptar 

Një tjetër parashikim interesant që doli nga seriali The Simpsons ka të bëjë edhe me Shqipërinë.

Bëhet fjalë rreth dërgimit “të satelitit shqiptar në hapësirë”.

The Simpsons parashikuan 'satelitin Albania' në hapësirë!
Lexo po ashtu The Simpsons parashikuan 'satelitin Albania' në hapësirë!

Muaj më parë, kryeministri i Shqipërisë, Edi Rama paralajmëroi në Kuvendin e Shqipërisë se brenda vitit të ardhshëm qeveria do të dërgojë në hapësirë dy satelitë “Albania” dhe “Albania 2”.

Në një nga episodet e tij, sipas një videoje të publikuar në internet, aty paraqitet një “spiun shqiptar”, i cili në një moment “komunikon me Shqipërinë, përmes një sateliti të stampuar me shqiponjën dykrenare”. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori