Nga një aksident të ndodhur në një nga minierat në Bosnjë dhe Hercegovinë ka vdekur një person.

Përveç tij, sipas mediave boshnjake, përcjell Telegrafi, nga aksidenti në minierën e Brezës kanë mbetur të lënduar katër minatorë.

Presidenti i Sindikatës së Minatorëve, Sinan Husiq, ka konfirmuar se një aksident ndodhi në një nga vendet e punës, gjatë të cilit sasi të mëdha qymyri ranë mbi pesë punëtorë.

Katër minatorë u transportuan në spital, dhe një që ishte në gjendje kritike fatkeqësisht ndërroi jetë.

Sipas Husiq, nuk ka lëndime kërcënuese për jetën midis katër minatorëve të mbetur të lënduar. /Telegrafi/