Rusia ka thënë se bisedimet me NATO-n për Ukrainën po hynin në një rrugë pa krye, ndërsa kërcënoi se do të marrë “masa të nevojshme” të papërcaktuara nëse kërkesat e saj nuk plotësoheshin.
Sipas The Guardian, përcjell Telegrafi, një breshëri deklaratash nga zyrtarë të lartë rusë u shfaqën ndërsa ministri i jashtëm i Polonisë, Zbigniew Rau, paralajmëroi se Evropa përballej me rrezikun më të madh të luftës në 30 vjet.
Rau iu drejtua 57 vendeve të Organizatës për Siguri dhe Bashkëpunim në Evropë, hera e tretë këtë javë që Rusia ka diskutuar sigurinë me vendet perëndimore.
“Duket se rreziku i luftës në zonën e OSBE-së tani është më i madh se kurrë më parë në 30 vitet e fundit”, u kishte thënë Rau delegatëve më parë.
“Për disa javë ne jemi përballur me perspektivën e një përshkallëzimi të madh ushtarak në Evropën Lindore”.
Rusia ka mobilizuar 100,000 trupa dhe ka vendosur pajisje ushtarake përgjatë kufirit të saj me Ukrainën, ndërsa ka lëshuar një sërë kërkesash sigurie që NATO ka thënë se janë të pamundura për t’u përmbushur, të tilla si heqja e trupave nga anëtarët lindorë të aleancës dhe bllokimi i çdo aplikimi për anëtarësim nga Kievi.
Ndërkohë zëvendësministri i Jashtëm i Rusisë, Sergei Ryabkov, i cili udhëhoqi delegacionin rus në bisedimet me SHBA-në të hënën, tha se diskutimet “po hynin në një qorrsokak”.
“Nuk shoh asnjë arsye për t’u ulur sërish në ditët në vijim, për t’u mbledhur sërish dhe për të filluar të njëjtat diskutime”, citohet të ketë thënë ai nga agjencia e lajmeve Interfax.
“Ne propozojmë që teksti të kalohet hap pas hapi, të punohet për ta sjellë në një fazë që të jetë gati për nënshkrim. Kjo është e pamundur sot, sepse për elementët kyç të këtyre teksteve, Shtetet e Bashkuara dhe aleatët e tyre thonë kategorikisht ‘jo’”.
Ndërsa duke folur në televizionin rus, ai nuk përjashtoi mundësinë që Rusia të mund të vendoste pajisje ushtarake në Kubë ose Venezuelë, duke thënë se “gjithçka varet nga veprimet e homologëve tanë amerikanë”.
Ndërsa në Moskë, zëdhënësi i Kremlinit, Dmitry Peskov, tha se mund të ketë një këputje të plotë në marrëdhëniet SHBA-Rusi, nëse miratohen sanksionet e propozuara që synojnë presidentin rus, Vladimir Putin dhe udhëheqës të tjerë të lartë civilë dhe ushtarakë.
Demokratët e Senatit kanë propozuar gjithashtu shënjestrimin e institucioneve kryesore financiare ruse nëse Moska dërgon trupa në Ukrainë.
Në anën tjetër, BE po harton gjithashtu sanksione të mundshme, megjithëse nuk ka pranuar të zbulojë detaje.
Ndryshe, zyrtarët e lartë rusë takuan homologët e SHBA-së të hënën dhe NATO-n të mërkurën, por bisedimet nuk kanë dhënë rezultate.
Sekretari i Përgjithshëm i NATO-s, Jens Stoltenberg, tha të mërkurën se aleanca ushtarake ishte e gatshme të zhvillonte bisedime me Moskën për kontrollin e armëve dhe transparencën mbi stërvitjet ushtarake. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”
Një veprim që ka “fituar zemrat në mbarë botën” – oficeri i sigurisë në Mekë ndihmon pelegrinin me aftësi të kufizuara për të parë Qaben
Në Çeki zbulohet një rrjet propagande i financuar nga Rusia
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Ukrainasit rrëzojnë aeroplanin ushtarak rus që kushton gati 80 milionë euro
Duke ecur në plazhin e Essexit, britanikja gjeti një dhëmb vigani 1.8 milion vjeç
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles
Rasti i pazakontë në Kroaci - pensionisti zbret nga një ndërtesë, por jo përmes shkallëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia