Gjashtë persona janë arrestuar, të cilët pas një mosmarrëveshje janë rrahur mes vete.

Sipas raportit të Policisë së Kosovës, ngjarja ka ndodhur të premten rreth orës 16:35 në Vitomericë, të Pejës.

Siç thuhet tutje në raport, njëri nga personat ka pësuar lëndime të rënda trupore, ndërsa pesë të tjerët me lëndime të lehta.

“ Janë arrestuar gjashtë të dyshuar m/k pasi që pas një mos marrëveshje janë rrahur mes vete, njëri nga të dyshuarit ka pësuar lëndime të rënda trupore, ndërsa pesë të tjerët kanë pësuar lëndime të lehta trupore. Të dyshuarve u është ofruar tretman mjekësor në Spitalin Rajonal në Pejë. Në lidhje me rastin është njoftuar prokurori i shtetit i cili në Stacionin Policor në Pejë i ka dëgjuar palët e përfshira në rast”, thuhet në raport.

Ndërkaq, me vendim të prokurorit, dy prej të dyshuarve ndalen në mbajtje, ndërsa të dyshuarit e tjerë lirohen në procedurë të rregull. /Telegrafi/