Ronela Hajati merr vëmendje me veshjen unike në konferencën për media të "Eurovision 2022"

Artistja e njohur, Ronela Hajati po merr vëmendje të madhe në paraqitjet e saj gjatë provave për "Eurovision 2022".

Teksa ditë më parë u komentua për censurimin e një fotografie nga faqja zyrtare në Instagram e "Eurovision" gjatë provave të para në Torino, sot (e mërkurë) Ronela ishte në fokus me një tjetër paraqitje.

Këngëtarja shqiptare e njohur për stilin e saj të veçantë të veshjes, me të tillë është shfaqur edhe gjatë konferencës për media.

Foto: Ronela Hajati në Eurovision

Me një fustan me ngjyrë të bardhë dhe të gjatë, Ronela përshtati veshjen me një kapele unike e cila karakterizohej me rruaza të lëshuara sipër, ndërsa përfundoi pamjen me një palë atlete dhe aksesor.

Ndërkaq, rikujtojmë që  Ardit Çuni i cili është pjesë e delegacionit shqiptar në "Eurovision" më parë tha se përkundër censurimit të fotos performanca e Ronelës nuk do të ndryshohet.

Faqja zyrtare e "Eurovision" në Instagram censuroi foton nga performanca e Ronela Hajatit, Ardit Çuni: Nuk do të ndryshohet asgjë nga koreografia