Cristiano Ronaldo ka zbuluar se nuk i ka dhënë ende një celular djalit të tij Cristiano Jr, sepse nuk dëshiron që ai të bëhet ‘i fiksuar pas teknologjisë’ që në moshë të re.
Futbollisti, 36 vjeç, foli për ndikimin e teknologjisë në Al Wasl Plaza në Dubai pasi mori çmimin e golashënuesit më të mirë të të gjitha kohërave të ‘Globe Soccer’ dhe pranoi se brezi i ri ka një afinitet më të madh me pajisjet.
Ai tha: “Patjetër që ndihmon shumë. Më ndihmoi mua dhe njerëzit këtu, gjithë botën, dhe mendoj se duhet të përfitojmë nga kjo, por nuk duhet të jemi të fiksuar pas saj”, shkruan DailyMail.
“Për shembull, mund t’ju jap një përshtypje të vogël. Fëmija im më i madh do të bëhet së shpejti 12 vjeç dhe më pyet çdo herë: ‘Babi, a mund të kem një telefon, a mund të kem një telefon, a mund të kem një telefon?’”.
“Unë i them atij: ‘Cristiano, ke kohë’”, tha portugezi.
“Unë e di gjithashtu se ky brez i ri është një hap përpara moshës së tyre, kështu që jam dakord që ne duhet të përfitojmë nga kjo, por jo të jemi të fiksuar pas teknologjisë”.
“Jepini atyre pak nga teknologjia, por me një periudhë kohe, mos u jepni gjithë kohën. Unë mendoj se kjo është pika kryesore këtu”.
Në vitin 2017, Ronaldo refuzoi gjithashtu kërkesat e djalit të tij për një telefon, duke thënë se nuk donte t’i jepte atij përshtypjen se ishte e lehtë të merrte atë që donte.
Në atë kohë ai tha: “Junior është shumë i lumtur dhe thotë se dëshiron më shumë vëllezër dhe motra, ai dëshiron shtatë”.
“I kërkoj që të presë për të ardhmen. Një ditë, Junior më kërkoi një iPhone për të më telefonuar, por unë i thashë jo. Nëse ai dëshiron të më telefonojë duhet të më thërrasë përmes gjyshes së tij”.
“Dua t’i transmetoj djalit tim idenë se nuk është e lehtë të marrësh gjithçka që dëshiron. Arsimi është gjëja më e mirë që mund t’i jepja”, thotë futbollisti me famë globale.
Cristiano Jr, i njohur nofkën Cristianinho, mbush 12 vjeç në qershor dhe lindi nga një nënë surrogate anonime përpara se babai i tij futbollist të takonte partneren aktuale Georgina Rodriguez.
Georgina aktualisht është shtatzënë në muajin e gjashtë me binjakët e Ronaldos dhe çifti zbuloi muajin e kaluar se janë në pritje të një djali dhe një vajze.
Futbollisti profesionist ndau lajmin e gëzuar me fansat në Instagram muajin e kaluar dhe tha se “zemrat e tyre ishin plot dashuri”.
Ronaldo, i cili do të mirëpresë në jetë fëmijën e tij të dytë dhe të tretë me Georginën, shkroi: “Me kënaqësi ju njoftoj se presim binjakë. Zemrat tona janë plot dashuri – mezi presim t’ju takojmë”.
Ronaldo po kalon pushimet ndërkombëtare në Dubai me familjen e tij dhe u pa duke festuar ditëlindjen e Georginës në një restorant me pamje nga ndërtesa më të lartë në botë, Burj Khalifa.
Ai shpenzoi mijëra euro për të ndriçuar horizontin e Dubait me një mesazh ‘gëzuar ditëlindjen’ për partneren e tij.
Kulla historike ndryshoi ngjyrë përpara se të përfundonte me mesazhin “Gëzuar ditëlindjen Gio” me shkronja gjigante të bardha sipër një fotoje të bukuroshes.
Partnerja e Ronaldos u lajmërua në Instagram për të ndarë me ndjekësit disa fotografi nga mbrëmja e veçantë, ku shkroi: “Kështu përfundon kjo ditë emocionuese. Unë jam pa fjalë. Faleminderit, faleminderit dhe faleminderit Cristiano. Nuk mund të më bësh çdo ditë më të lumtur”. /Telegrafi/
Promo
Reklamo këtuLufta Prigozhin - Putin
Më shumëU tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Ish-banorja e Big Brother: Luizi më ka bërë bllok, por nuk e di arsyen
Adelina Ismaili rikthehet në skenë me Elita 5, performojnë 'live' hitet e vjetra së bashku
"Donaldi të ka shkruar një letër" - Einxhel Shkira befason me praninë në emisionin e Bora Zemanit
Eurovision 2024: Këngëtarja e Izraelit, Eden Golan është urdhëruar të qëndrojë në dhomën e hotelit nën masa të rrepta sigurie
Uroi çiftin për lindjen e vajzës gjatë spektaklit të Big Brother, Kiara Tito i reagon Ledion Liços
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit