Roma e gatshme të mbajë Zaniolon deri në verë

Roma është ende në pritje të ofertave konkrete për Nicolo Zaniolo, por është gjithashtu e lumtur ta mbajë atë deri në verë.

Sulmuesi 23-vjeçar italian është bërë i pakënaqur në kryeqytetin italian, i zhgënjyer nga mungesa e një kontrate të re fitimprurëse dhe zemërimi i tifozëve për paraqitjet e tij të dobëta.

Zaniolo i kërkoi Romës ta shiste këtë muaj dhe nuk mori pjesë në dy ndeshjet e fundit të ligës, duke humbur të parën për shkak të një gripi dhe të dytën pasi kërkoi të përjashtohej.

Lexo po ashtu Newcastle ka bërë ofertën më të lartë deri më tani për Zaniolon

Sipas Corriere dello Sport, trajneri i Romës, Jose Mourinho ka besim se Zaniolo do të vazhdojë të jetë lojtari i tij deri në verë dhe kjo është arsyeja pse 23-vjeçari stërviti dje me skuadrën dhe do të vazhdojë ta bëjë këtë për momentin.

Giallorossët duan të sigurojnë që Zaniolo të largohet në një bazë përfundimtare dhe kështu janë të hapur vetëm për blerje të drejtpërdrejta ose huazime me detyrim blerje.

Roma, Zaniolo cessione difficile: multa in arrivo per il giocatore https://t.co/B4D4Q0d7hN

— informazione sport (@infoitsport) January 25, 2023

Dje në Trigoria, Zaniolo zhvilloi një stërvitje të dyfishtë, duke kryer terapi fizike në mëngjes dhe punë në fushë me skuadrën pasdite.

Në mesditë, ai u takua me familjen dhe përfaqësuesit e tij për drekë, duke diskutuar situatën e tij dhe destinacionet e mundshme. /Telegrafi/