Tenisti zviceran, Roger Federer ka zbuluar detaje nga fillimi i karrierës, kur ishte i ri dhe i papjekur.

Në një intervistë për “Clique Dimanche”, ai ka folur për karakterin e tij në periudhat e hershme të tenisit profesional.

“Në fillim isha shumë i zemëruar, por pastaj kam mësuar se këto detaje të vogla janë shumë të rëndësishme dhe nëse do të vazhdoja në të njëjtën mënyrë, nuk do të ishte mirë për mua”, tha Roger.

“Kam qarë shumë dhe e hedhja reketën në fushë. Nëse do të humbja, e thyeja raketën. Jam detyruar të mësoja se si të kontrolloj sjelljet e mija. Momenti kyç ka ndodhur në vitin 2001 në Hamburg. Kam humbur një ndeshje që është dashur ta fitoja dhe kjo më dëshpëroj. Pastaj vendosa të qetësohem”, thotë Federer.

Tenisti zviceran vazhdoi të fliste për fillimin e karrierës prej tenisti.

“Unë nuk e pëlqej humbjen, por nuk më pëlqen edhe tani. Më parë nuk mundja ta gjeja ekuilibrin mes zemërimit dhe qetësisë. Kam biseduar me njerëz të afërt dhe pak e nga pak ndryshova”, shtoi ai.

Ndryshe, 37-vjeçari gjatë karrierës së vetë ka fituar mbi 102 tituj të ndryshëm në botën e tenisit. /Telegrafi/