LAJMI I FUNDIT:

Rizvanolli përmend të arriturat në KEK, nuk komenton arrestimin e Nagip Krasniqit

Rizvanolli përmend të arriturat në KEK, nuk komenton arrestimin e Nagip Krasniqit

Ministrja e Ekonomisë, Artane Rizvanolli ka përmendur të arriturat dy vjeçare të Korporatë Energjetike (KEK), mirëpo nuk ka komentuar arrestimin e kryeshefit të kësaj ndërmarrje Nagip Krasniqi.

Rizvanolli gjatë seancës plenare të Kuvendit të Kosovës që po diskutohet për arrestimin e Krasniqit, ka thënë se me investimet që po bëhen në KEK do të sigurohen që termocentralet të janë funksion në 20 vitet e ardhshme.

“Dje, Bordi i KEK-ut ka pezulluar nga detyra kryeshefin Nagip Krasniqi deri në një vendim të ardhshëm. Ndërkohë, për të siguruar mbarëvajtjen e ndërmarrjes, Bordi ka emëruar Përparim Kabashin si ushtrues detyre. Menjëherë pas kësaj, mbrëmë kemi vizituar termocentralet e KEK-ut ku u informuam me mbarëvajtjen e punëve nga Kabashi”, tha Rizvanolli.

Sipas saj, aktualisht KEK-ut operon me dy blloqe të “Kosova A” dhe Bllokun B1.

“Aktualisht KEK operon me dy blloqe të ‘Kosova A’ dhe Bllokun B1. Sivjet dhe dy vjetët e ardhshme jemi në një periudhë kritike në KEK, sepse me investimet që po bëjmë do të sigurojmë që termocentralet të jenë në funksion për 20 vitet e ardhshme”, theksoi ajo.

“KEK-u e ka mbyllur vitin 2022 me shumë suksese, duke përfshirë fitimin rekord prej 107.7 milionë euro, dhe duke depozituar 250GWh te KESH-i, të cilat i kanë kursyer qytetarëve të Kosovës mbi 50 milionë euro”, përfundon Rizavanolli. /Telegrafi/