Ndeshja finale e Euro 2020 mes Anglisë dhe Italisë po pritet me entuziazëm nga tifozët e futbollit në mbarë botën.
Ndeshja e cila do të zhvillohet në ‘Wembley Arena’, do të shpallë shtetin fitues të edicionit të 16-të të Kampionatit Evropian.
Më të entuziazmuar se asnjëherë tjetër janë tifozët e Anglisë, të cilët për herë të parë në histori po shijojnë një finale të ekipit të tyre kombëtar në Kampionat Evropian.
Këngëtarja shqiptaro-britanike, Rita Ora, e cila është rritur në Londër, e ka shprehur hapur përkrahjen e saj për Kombëtaren e Anglisë.
Ora publikoi në rrjetin social Instagram dy fotografi të reja, ku shfaqej tërësisht e zhveshur, teksa mbulohej në pjesën e përparme vetëm me fanellën e Anglisë.
“Po vjen në shtëpi. PS: Gjeta një tufë me lule që i vendosa në fotografinë e dytë për fat të mbarë”, shkroi këngëtarja me origjinë shqiptare në mbishkrimin e fotografive të ndara me ndjekësit e saj.
Rita përndryshe është e lindur në Prishtinë, por e rritur në Angli, dhe debutimi i saj muzikor nisi pikërisht nga Londra, duke kryesuar e para në top listat muzikore britanike në vitin 2012 me hitin “Hot Right Now”. /Telegrafi/
