Rita Ora përlotet kur flet për rastin e dhunimit të 11-vjeçares në Prishtinë

Ylli shqiptar me famë ndërkombëtare, Rita Ora këto ditë po qëndron në Tiranë ku edhe pritet të mbaj një koncert sonte (e martë) në sheshin “Skënderbej”.

Krahas aktiviteteve që ka mbajtur, Rita dje u dekorua nga Presidenti i Shqipërisë, Bajram Begaj me titullin “Naim Frashëri”.

Ndërsa, sot 31-vjeçarja ka mbajtur një konferencë për media me kryetarin e bashkisë së Tiranës, Erion Veliaj.

Ndër tjera, Rita nuk ka lënë pa përmendur rastin e dhunimi të 11-vjeçares në Prishtinë nga pesë persona të dyshuar që tronditi opinionin.

“Është e rëndësishme të tregojmë që ëndrrat bëhen realitet edhe nga vendi ynë i bukur. Sonte është një fest por dua të shfrytëzoj rastin të them se sa e rëndësishme është. E di çfarë ka ndodhur, një përvojë traumatike që ndodhi pak javë më parë, është shumë e rëndësishme të dim se si t’i rrisim fëmijët tanë dhe të ju japim mundësi fëmijëve se si t’i respektojnë femrat dhe të trajtohemi barabartë dhe të ndihemi rehat të ecin rrugës”, tha Ora.

“Shpresoj që në të ardhmen prindërit dhe vendi yni duhet t’u ndihmojë femrave dhe meshkujve që të mësojmë për të drejtat e barabarta”, u shpreh ylli shqiptar e përlotur referuar rastit të dhunimit të së miturës.

Lexo po ashtu Prestigjiozja britanike ‘DailyMail’ shkruan për qëndrimin e Rita Orës në Shqipëri

Ndër tjera Rita tha gjithashtu se ndihet e privilegjuar që ndodhet në Tiranë dhe të performoj para fansave në vend. /Telegrafi/