Rita Ora paralajmëron projektin e parë muzikor për vitin 2024, bashkon forcat me DJ Gryffin për këngën e re

Artistja shqiptare me renome botërore, Rita Ora, ka bashkuar forcat me muzikantin dhe DJ-in e njohur amerikan, Gryffin, për një bashkëpunim të ri.

“Last Of Us” mban titullin kënga e tyre e re, e cila do të publikohet bashkë me klip më 16 shkurt.

Lajmin për këtë e ka bërë të ditur vet interpretuesja e hitit “I Wil lnever Let You Down”, përmes disa fotografive të publikuara në llogarinë e saj zyrtare në Instagram, ku shfaqet bashkë me Gryffin në prapaskenat e xhirimeve.

“E entuziazmuar të ndaj me ju kopertinën artistike të ‘Last Of Us’, që do të shfaqet më 16 shkurt. Ne të dy e duam atë tingull klasik të muzikës Elektro/Dance të viteve 2010 dhe donim ta rikthenim për këtë me një rrotullim të freskët. Çfarë mendoni të gjithë ju”, shkroi Rita në Instagram.

Lexo po ashtu Rita Ora nuk do të jetë këtë vit në jurinë e "The Voice Australia" pas tri edicioneve rresht

Ky është projekti muzikor që këngëtarja e lindur në Prishtinë, do të publikojë për këtë vit.

Vitin e kaluar ajo shënoi një sukses të kënaqshëm në tregun ndërkombëtar të muzikës me publikimin e albumit të tretë në karrierën e saj, “You and I”, i cili u prit jashtë mase mirë nga publiku.

Krahas muzikës, Ora po vazhdon të jetë e angazhuar edhe në televizion – ku aktualisht është në rolin e anëtares së jurisë në spektaklin “The Maskes Singer” në Shtetet e Bashkuara të Amerikës. /Telegrafi/

View this post on Instagram

A post shared by RITA ORA (@ritaora)