Rishi Sunak heq dorë nga plani, që Britania e Madhe ta zhvendosë ambasadën në Izrael nga Tel Avivi në Jerusalem

Kryeministri i ri i Britanisë së Madhe, Rishi Sunak, hoqi dorë nga ideja e paraardhësit të tij, Liz Truss, që Britania e Madhe të ndiqte Shtetet e Bashkuara dhe të zhvendoste ambasadën në Izrael nga Tel Avivi në Jerusalem.

Truss, ndërsa ishte kryeministre, urdhëroi një rishikim nëse Britania duhet të ndjekë shembullin e administratës së Trumpit në zhvendosjen e ambasadës së saj nga Tel Avivi, transmeton Telegrafi.

I pyetur nëse qeveria e Mbretërisë së Bashkuar po e shqyrton ende këtë veprim, zëdhënësi i kryeministrit tha: “Është marrë në konsideratë. Nuk ka plane për të zhvendosur ambasadën britanike”.

Deri te ky vendim erdhi pasi zyrtarët e qeverisë britanike i thanë një grupi gazetarësh të huaj, se “nuk kanë plane për zhvendosjen e ambasadës britanike nga Tel Avivi në Jerusalem”.

Kjo deklaratë është mirëpritur nga misioni palestinez në Britaninë e Madhe.

Truss i kishte thënë kryeministrit izraelit Yair Lapid, se po bën një shqyrtim, kur dyshja u takuan në margjinat e Asamblesë së Përgjithshme të OKB-së në New York. /Telegrafi/