LAJMI I FUNDIT:

Gjendje e rëndë nga vërshimet në disa komuna të Kosovës, autoritetet bëjnë thirrje për kujdes

Gjendje e rëndë nga vërshimet në disa komuna të Kosovës, autoritetet bëjnë thirrje për kujdes

Reshjet e shumta të shiut kanë bërë që gjatë ditës së sotme të ketë vërshime në disa komuna të Kosovës, gjë që ka shkaktuar edhe bllokim të rrugëve dhe depërtim të ujit nëpër disa shtëpi dhe banesa.

Në Komunën e Mitrovicës, lumenjtë si Ibri, Sitnica dhe Lushta kanë dalë nga shtrati i tyre duke shkaktuar shqetësim të madh tek banorët, pasi uji ka hyrë në zonat e banuara si dhe në toka bujqësore dhe bllokim të rrugëve.

Vërshime në Mitrovicë

Po ashtu vërshime ka edhe në Skenderaj, ku sipas fotove të publikuara në faqen Meteo Kosova shihen rrugët e bllokuara nga reshjet e mëdha të shiut si dhe shumë qytetarë të “zhytur” në ujë.

Vërshime në Skenderaj
Vërshime në Skenderaj
Gjendje e rënduar në Skenderaj nga vërshimet, rrugë e lokale të bllokuara
Lexo po ashtu Gjendje e rënduar në Skenderaj nga vërshimet, rrugë e lokale të bllokuara

Në lidhje me këtë situatë, kryetari i kësaj komune, Fadil Nura përmes një statusi në rrjetin social në Facebook ka shpallur gjendjen e jashtëzakonshme për shkak të vërshimeve.

Mirëpo, gjendje aspak e mirë paraqitet edhe në Pejë e Istog.

Vërshime në Pejë

Faqja “Peja në Fokus” në Facebook ka publikuar pamje nga vërshimet, ku shihet se uji ka përfshirë disa rrugë, lokale e shkolla, në Pejë.

Gjendje më e rënduar shihet të jetë në qendër të qytetit, në rrugën “Bill Klinton, në fshatin Kusuriq dhe në Qyshk.

Ndërsa, në Komunën e Istogut, në fshatin Kërrninë të 5-6 familje kanë mbetur të bllokuara dhe ekipet komunale janë duke bërë evakuimin e tyre.

Gjendje e rënduar edhe në Istog nga vërshimet - disa familje mbesin të bllokuara
Lexo po ashtu Gjendje e rënduar edhe në Istog nga vërshimet - disa familje mbesin të bllokuara

Këtë lajm për Telegrafin e bëri të ditur drejtori i Drejtorisë për Emergjenca, Mbrojtje dhe Shpëtim, Xhevat Demaj.

“Gjendja është e rëndë, sidomos në fshatin Kërrninë dhe Rakosh. Jemi duke bërë evakuimin e disa familjeve dhe kafshëve pasi janë të rrezikuar. Niveli i ujit po rritet vazhdimisht”.

“Edhe në pjesë të tjera të Istogut ka vërshime, por probleme më të mëdha ka në Kërrninë. Janë diku 5-6 familje që kanë mbetur të bllokuara”, deklaroi Demaj.

Vërshime në Komunën e Istogut

Edhe në Komunën e Deçanit paraqitet gjendje e rënduar në disa zona për shkak të vërshimeve nga reshjet e shiut.

Sipas një fotografie dhe një video që ka siguruar Telegrafi, shihet se si uji ka përfshi disa zona të banuara.

Vërshime në Deçan

Ndërsa Komuna e Gjakovës ka bërë thirrje që qytetarët të bëjnë kujdes të shtuar si dhe të bashkëpunojnë me institucionet e tyre.

“Meqenëse gjatë këtyre ditëve kemi pasur reshje të theksuara atmosferike e situatë të njëjtë pritet të kemi edhe ditëve në vazhdim, kërkojmë nga të gjithë qytetarët e komunës së Gjakovës që të jenë vigjilentë dhe të bashkëpunojnë me institucionet tona: me Emergjencat në Komunë, me Policinë e Zjarrfikësit në mënyrë që për çfarëdo rasti eventual ekipet tona, të cilat janë në teren, të jenë sa më të informuara dhe të intervenojnë sa më shpejtë”, kanë shkruar në Facebook.

Po ashtu sipas këtij njoftimi bëhet e ditur se rreziku më i lartë mund të jetë për zonat afër lumenjve.

“Kërkojmë nga qytetarët që të shohin paraprakisht nëse në ndonjë pjesë të komunës, sidomos buzë lumenjve mund të ketë rrezikim nga ujërat apo vërshimet. Sa më shpejtë që të informohemi, gjasat janë më të mira që të mbrojmë jetën, pronën dhe të sanojmë gjendjen”.

Ndryshe, Instituti Hidrometeorologjik i Kosovës bën të ditur se si pasojë e reshjeve të fundit të shiut gjatë ditëve të fundit, sidomos në pjesën perëndimore, veriperëndimore dhe veriore të Kosovës, disa lumenj kryesisht ata me karakter të rrëkeve kanë paraqitur disa vërshime të shpejta. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori