Kryetari i Komisionit për Administratë Publike, Qeverisje Lokale dhe Medie, Zenun Pajaziti, ka thënë se çdo vonesë e aprovimit të projektligjit që ka të bëjë me regjistrimin e popullsisë dhe ekonomitë familjare në veri do ta vështirësonte mbajtjen e këtij procesi këtë vit.
Ai ka thënë se qytetarët e komunitetit serb në komunat e veriut duhet t’i përgjigjen regjistrimit të popullsisë dhe ekonomive familjare.
Në këtë intervistë dhënë gazetës “Epoka e re”, Pajaziti ka thënë se është me rëndësi ta kemi një regjistrim zyrtar për gjithë territorin e Republikës së Kosovës, për faktin se herën e kaluar, për shkak të politizimit dhe ndërhyrjes së Beogradit, shumica e serbëve dhe komunave me shumicë serbe nuk u përfshinë në këtë proces.
Pajaziti ka bërë me dije se në seancën e fundit të Kuvendit ka kërkuar të procedohet më shpejt projektligji për regjistrimin e popullsisë dhe ekonomive familjare për komunat që nuk morën pjesë në regjistrimin e kaluar.
Ai ka thënë se për këtë kërkesë të tij kishte edhe arsye.
“Arsyeja ishte se edhe Bashkimi Evropian e kishte planifikuar një mbështetje për këtë vit dhe çdo vonesë e aprovimit të ligjit do ta vështirësonte mbajtjen e regjistrimit këtë vit”, ka thënë ai.
Pajaziti ka thënë se qytetarët serbë që jetojnë në Kosovë, si zakonisht, po manipulohen nga Beogradi dhe kanë refuzuar të përfshihen në regjistrim.
Ai shpreson në bashkëpunimin e tyre në mënyrë që të përfundojë regjistrimi edhe në komunat e veriut.
“Shpresoj se ata do të marrin pjesë edhe në regjistrimin e popullsisë dhe në të gjitha proceset e tjera për faktin se do ta përmirësonte kualitetin e jetës së tyre. Duhet të dimë kush jeton, sa jetojnë, si jetojnë dhe sa kanë pasuri etj. të gjithë qytetarët e Republikës së Kosovës pa dallim. Në të kundërtën, nuk mund as ta planifikojmë mirë zhvillimin e komunave në vendin tonë”, ka thënë Pajaziti.
Ai ka thënë se me këtë veprim, për të mos iu përgjigjur regjistrimit të popullsisë, komuniteti serb nuk mund ta ndryshojë realitetin e ri të Kosovës. “Sa i përket sovranitetit të territorit të vendit tonë, as ky veprim e as ndonjë veprim tjetër nuk do të mund ta ndryshojë realitetin e shtetësisë tonë të vulosur nga shtetet dhe institucionet e rëndësishme ndërkombëtare”, ka deklaruar Pajaziti.
Deputeti i PDK-së, Zenun Pajaziti, ka thënë se propozimi i tij në seancën e fundit të Kuvendit u keqkuptua nga disa kolegë deputetë. “Fatkeqësisht ndodhi të transmetohej krejt ndryshe, meqë deputetët nuk e kishin pasur mundësinë ta kenë materialin me kohë. Dhe gjithsesi ishte për keqardhje prezantimi me një kuptim krejtësisht të gabuar. Doli sikur ky ligj po e legjitimon ndarjen etj. Pastaj nuk ishte askush nga sponsori, Qeveria, që ta prezantonte dhe sqaronte ligjin, por edhe gjithë procesin, prandaj debati u devijua krejtësisht. Pastaj në medie doli interesant ky tregim. Shumë njerëz më kërkuan sqarime për atë që paraqita në Kuvendin e Kosovës”, ka thënë Pajaziti.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore