Real Madridi synon pesë nënshkrime të mëdha si lojtar të lirë verën e ardhshme

Klubi i madh spanjoll, Real Madridi po planifikon një zbavitje të madhe nënshkrimesh për verën e ardhshme, pasi ka etiketuar pesë objektiva.

Los Blancos këtë verë nuk kanë bërë shpenzime shkaku i problemeve financiare të shkaktuara nga Covid-19.

Megjithatë, drejtuesit e klubit mbretëror kanë plane afatgjate dhe pritet të godasin në verën e ardhshme me pesë nënshkrime të mëdha.

Lexo po ashtu Real Madridi di të shesë, tani ka 200 milionë euro në bankë për të nënshkruar me Mbappen ose Haalandin

Sipas gazetës AS, objektivi kryesor është ylli i Paris Saint-Germain, Kylian Mbappe, i cili ka hyrë në vitin e fundit të kontratës së tij.

Real Madrid po konsideron gjithashtu edhe transferimin e Paul Pogba nga Manchester United, Leon Goretzka nga Bayern Munich, Antonio Rudiger nga Chelsea dhe Eduardo Camavinga nga Rennes.

Të katër lojtarët pritet që kontratat e tyre të skadojnë në fund të sezonit, duke i bërë ata perspektiva joshëse për gjigantët spanjollë.

Me problemet financiare të dokumentuara mirë të klubit që kufizojnë çdo lëvizje të madhe këtë verë, Reali ka transferuar vetëm David Alaba si lojtar të lirë.

Me Alaban që është vendosur shumë mirë në jetën në Spanjë, Reali po kërkon të përsërisë suksesin e tij me lojtar tjerë të lirë dhe po mban nën kontroll pesë lojtarët për të monitoruar situatat e tyre të kontratave. /Telegrafi/