Real Madridi cakton datën e rikthimit në stërvitje

Real Madridi ka raportuar se ka nënvizuar 11 majin si datën e rikthimit të tyre në stërvitjen e ekipit të parë në kompleksin e klubit Valdebebas.

Los Blancos do të presë një përditësim nga këshillat shëndetësore të qeverisë, por klubi ka besim se do të kthehet në stërvitje të plotë deri në fund të muajit.

Sipas gazetës Marca, zyrtarët e klubit janë në komunikim të vazhdueshëm me La Liga, RFEF dhe autoritetet shëndetësore përkatëse për një rikthim të mundshëm.

Lexo po ashtu Ende nuk ka datë se kur mund të rikthehet La Liga

Disa kufizime do të hiqen nga qeveria spanjolle këtë fundjavë, si pjesë e një lehtësimi të vogël të masave të vendosura për shkak të pandemisë coronavirus.

Sidoqoftë, rikthimi i mundshëm i sezonit të La Ligës mbetet i pavendosur me të gjitha palët që punojnë për një datë të rifillimit.

Lexo po ashtu UEFA letër federatave anëtare: Deri më 25 maj plani të jetë gati

Presidenti i La Liga, Javier Tebas mbetet i vendosur në angazhimin e tij për të përfunduar sezonin dhe një përditësim i mëtejshëm i planeve pritet të bëhet me 4 maj.

UEFA i ka konfirmuar të gjitha ligave vendase që synojnë të përfundojnë sezonin e tyre 2019-20 që duhet të informojnë ata për planet e tyre deri më 25 maj, në mënyrë që të garojnë në garat evropiane sezonin e ardhshëm. /Telegrafi/