LAJMI I FUNDIT:

Rasti Dehari, Kurti thotë se Ministria e Drejtësisë duhet të përgjigjet për mostrat

Rasti Dehari, Kurti thotë se Ministria e Drejtësisë duhet të përgjigjet për mostrat
Foto: Arkiv

Kryeministri i Kosovës, Albin Kurti, nuk ka pranuar të komentojë gjetjen e një pjese të mostrave të ish-aktivistit të vdekur të Lëvizjes Vetëvendosje, Astrit Deharit.

Telegrafi raportoi të premten se mostrat janë gjetur brenda Institutit të Mjekësisë Ligjore në Prishtinë (IML), aty ku edhe u zhdukën në dhjetor të vitit të kaluar.

Lidhur me këtë, Kurti u pyet të martën nga gazetarët pasi mori pjesë në edicionin e dhjetë i Javës së Gruas, me temën kryesore “Barabarësia: Parakusht për Ripërtëritje të Demokracisë”.

Kryeministri para mediave tha se për këtë çështje duhet të japë përgjigje adekuate Ministria e Drejtësisë.

Heshtje institucionale për gjetjen e një pjese të mostrave të Deharit - gjithçka që dihet për rastin
Lexo po ashtu Heshtje institucionale për gjetjen e një pjese të mostrave të Deharit - gjithçka që dihet për rastin

“Më besoni se për këtë Ministria e Drejtësisë duhet të japë përgjigje adekuate”, deklaroi kreu i ekzekutivit.

Ndryshe sipas raportimit të Telegrafit, mostrat ishin zhvendosur nga laboratori i toksikologjisë, në një frigorifer tjetër brenda IML-së.

Duke iu referuar burimit, mostrat e gjetura janë të lukthit dhe të urinës, ndërsa mungojnë mostrat e gjakut.

“Komisioni për inventarizim i ka gjetur në një frigorifer që nuk është i mbuluar prej kamerave të sigurisë. Hetuesit e policisë janë duke punuar me kapacitete të plota për të zbuluar se si kanë përfunduar në atë frigorifer gjysma e mostrave të Deharit”, bëri të ditur një burim i Telegrafit.

Në momentin që Telegrafi mori informacionin e sigurt nga burimi, filloi përpjekjet për të rënë në kontakt me prokurorin e rastit, Agim Shefkiu, Prokurorinë Speciale, Ministrinë e Drejtësisë (MD), Policinë e Kosovës dhe zëvendësdrejtorin e IML-së, Ditor Haliti, por pa sukses. Asnjë nga akterët, përveç ministrisë, nuk iu përgjigj telefonatave e as nuk ktheu përgjigje në pyetjet e dërguara.

Nga MD-ja i thanë Telegrafit se për këtë rast mund të përgjigjen vetëm Policia dhe Prokuroria, pasi këto dy institucione kanë nisur hetimet që zhdukja e mostrave të dhjetor. /Telegrafi/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori