Mësimi në shkollat e Kosovës është dashur të fillojë më 1 shtator, mirëpo një gjë e tillë nuk ndodhi. Kjo pasi Sindikata e Bashkuar e Arsimit, Shkencës dhe Kulturës (SBASHK) ka vendosur që sistemi i arsimit në Kosovë të futet në grevë meqenëse Qeveria nuk ua plotësoi kërkesën për 100 euro shtesë deri në miratimin e Projektligjit për paga.
E pas pothuajse dy javësh në grevë në arsim qytetarët janë shprehur të indinjuar, ndërsa thonë se Qeveria dhe Sindikata e Arsimit duhet të merren vesh mes vete dhe të mos i fusin fëmijët në këtë mes.
Qytetarja Selvije Havolli tha për Telegrafin se nuk mund të pajtohet me faktin që një fëmijë i klasës së parë ka mbetur me çantë në krahë dhe s’ka mundur të shkojë në shkollë, për shkak të grevës.
“Unë po dua edhe diçka t’iu them të gjithë mësimdhënësve të Kosovës. Një ditë e një fëmiu që ka pasur të fillojë shkollën më 1 shtator dhe ka mbetur me çantë në shpinë, le ta dijnë që ata nuk e kuptojnë politikën, nuk e dinë kush është kryeministër”, u shpreh ajo.
Kadri Sojeva tha se kryetari i SBASHK-ut, Rrahman Jashari në Kosovë është bërë “më i rëndësishëm” se Adem Jashari dhe po merr vendime për bojkot të mësimit.
“Për mua kjo nuk është grevë kjo është bojkot. Kur ka qenë Serbia na i kanë mbyllë shkollat, kurse tash shqiptarët në shtetin tonë me na i mbyllë shkollat, nuk është e drejtë. Unë nuk e di prej nga e kanë fitu këtë të drejtë këta. I apeloj Qeverisë që t’i marrë të gjitha masat që duhet t’i ndërmarrë dhe të na i hap shkollat. Rrahman Jasharaj është bërë si Adem Jashari, ai ka sakrifikua veten edhe familjen për këta nxënës për këta arsimtarë. Shkollat na i hapni ju lutemi”, deklaroi Sojeva.
Kurse qytetari tjetër, Nevruz Nushi theksoi se nuk po mund ta pranojë që në kohën e okupimit serb janë mbyllur shkollat dhe tash pas çlirimit po ndodhë e njëjta gjë.
“SBASHK-u në vend se të mendoj për fëmijët që do të shkojnë në shkollë, këta nuk po e mendojnë interesin e fëmijëve por të sindikatës. Është gjynah që ata kanë marrë kësi lloj iniciative që të mos shkojnë fëmijët në shkolla. Kanë harru që kanë punuar gjatë okupimit edhe pa rroga tash në liri veprojnë kështu”, tha ai.
Ndërkaq, Fatmir Muçolli, e kishte një thirrje për kryeministrin Kurti. Ai i kërkoi kryeministrit që t’ua plotësojë kërkesën SBASHK-ut.
“Unë uroj që sa më shpejtë të gjejnë marrëveshjen SBASHK-u dhe Qeveria sepse vetëm me dialog arrihet marrëveshja. Nuk duhet të lejohet që të eskalojë situata, nxënësit duan që sa më shpejtë të kthehen në shkollë. I bëjë thirrje kryeministrit që t’ua jap nga 100 euro që i kanë kërkuar dhe të përfundojë kjo punë më”, përfundoi Muçolli.
Ndryshe, gjatë ditës së hënë Ministria e Financave, Punës dhe Transfereve njoftoi se ka ekzekutuar pagat edhe për pjesën e mbetur të organizatave buxhetore që përfshin edhe grevistët në arsim dhe administratën publike, pasi për të njëjtit nuk ishte ekzekutuar paga në ditën e parë të muajit siç ndodhë zakonisht./Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City