Kosova po vazhdon të preket nga rritja e çmimeve në të gjithë sektorët. E nga kjo rritje nuk po shpëtojnë as udhëtarët të cilët autobusin e përdorin si mjet transporti, madje disa linja të autobusëve veç kanë filluar të rrisin çmimin e biletave, e disa të tjera do ta bëjnë këtë së shpejti.
Qytetari Altin Hoti nga Komuna e Skenderajt tha për Telegrafin se është papërballueshme ngritja e çmimit të biletës. Ai thotë se është nxënës dhe i duhet të udhëtoj për çdo ditë për në Prishtinë.
“Për mua që udhëtoj çdo ditë rritja është jo normale. Edhe ka ndikim sepse për çdo ditë udhëtimi tani edhe po kushton. E për studentë dhe nxënës kjo rritje është shumë keq. Unë jam nxënës për momentin por po ndikon udhëtimi. Pagesa e 1.50 euro për biletë mundet të jetë për diçka tjetër. Por, shpresoj se kjo gjendje do të bëhet më mirë”, shprehet Hoti.
Edhe për Burbuqe Jahën e cila udhëton nga Gjakova për në Prishtinë, nuk është e arsyeshme rritja e çmimit të biletave.
“Nuk po e shoh të arsyeshme rritjen e çmimit të biletës, ndonëse të ardhurat ekonomike janë shumë të vogla nuk i mbulon asgjë. Realisht, ne sot jemi me çmim të vjetër praj Gjakovës në Prishtinë. Sot për sot me këtë linjë nuk ka ndryshuar çmimi e për më tutje si do të vendosin nuk e di”, thotë Jaha.
Kurse, Milazim Dërrmaku nga qyteti i Kamenicës thotë se rritja e çmimit nuk është e drejtë, por që sipas tij fajtor është shteti.
“Nuk është e drejtë, por nafta është rritur edhe çmimi i biletave duhet të ngritët. Nuk janë fajtor transportuesit, fajtori kryesor është shteti. Të mjerët populli”, pohon qytetari Dërrmaku.
Sipas pronarit të kompanisë “Lipjani”, Shaban Dreshupaj rritja e çmimit të biletës është normale, kjo pasi ai e vlerëson se duhet të transportojë tre udhëtarë për një litër naftë.
“Çmimi i biletave është rritur sepse edhe ju e dini që çmimi i naftës është rritur, tash një litër naftë kushton 1.35 centë. Bileta ka mbetur shumë e ulët tash na punojmë me 50 centë apo 70 centë. Tash duhet me i marrë tre udhëtarë për një litër naftë. Kjo nuk është në rregull edhe patjetër që duhet me u rrit ky çmim i biletës”, deklaroi Dreshupaj.
Ai thotë se kjo ngritje është ndikuar nga pandemia COVID-19.
“Por edhe pandemia COVID-19 na ka dëmtuar shumë dhe na ka lënë prapa. Ishin shumë numër i vogël i udhëtarëve e shpenzimet e mëdha. Ne nuk e kemi rritur çmimin por është shumë e arsyeshme me e ngrit çmimin. Nëse mbet nafta kështu duhemi me e ngritë sepse s’kemi zgjidhje tjetër”, përfundoi Dreshupaj.
Ditë më parë, kompania e udhëtimit “Sharr Travel” që transporton udhëtarë nga Prishtina në Gjakovë ka njoftuar që bileta e autobusit është shtrenjtuar nga 4 euro në 5 euro.
“Bazuar në çmimet e larta të furnizimit me derivate të naftës e që për transport të udhëtarëve me autobusë është lëndë e parë furnizuese, nga sot çmimi i biletës Prishtinë-Gjakovë është 5 euro”, kishte njoftuar kompania Sharr Travel./Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Modë apo relaks?
StaffiX ofron trajnim për Bazat e Menaxhimit të Burimeve Njerëzore
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre