Publikohen pamjet e rralla: Si duket Santiago Bernabeu me çati të mbyllur

Llogaria në Twitter “Fanaticos_RMCF” ka publikuar një video brenda stadiumit të ri Santiago Bernabeu me çatinë e saj të montuar praktikisht dhe me punime që po kryhen në një nga zonat e pasme të stadiumit.

Real Madridi vazhdon të realizojë punimet e fundit në shtëpinë e tyre, me zhvillimin që kalon në një fazë të paparë.

Detajet janë duke u finalizuar për të arritur datën e përfundimit dhe për të përfunduar atë që do të jetë një nga objektet sportive më mbresëlënëse në botë.

Lexo po ashtu Rrëfimi i padëgjuar i Modricit për Carvajalin pas humbjes ndaj PSG-së në Ligën e Kampionëve, pjesë e dokumentarit për Real Madridin

Asnjëherë më parë çatia pjesërisht e mbyllur nuk është parë nga brenda, pasi puna në këtë zonë nuk ka përfunduar ende deri në këtë moment.

Objektivi i klubit është që stadiumi të jetë gati për fillimin e sezonit 2023/24, kur stadiumi do të jetë një arenë me shumë projekte, përveç pritjes së ndeshjeve të futbollit në nivelin më të lartë në botë.

Real Madridi nuk dëshiron t’i lërë asgjë rastësisë kur bëhet fjalë për ndërtimin dhe funksionimin e sistemit të Estadio Santiago Bernabeu, në të cilin do të ruhet bari i stadiumit kur ambientet të përdoren për qëllime jo futbollistike.

Lexo po ashtu "Nëse nuk vdes sot, jam i pavdekshëm" - prapaskena nga veprimet e Ancelottit që përfshihen në dokumentarin për Real Madridin

Për të pasur kujdes të jashtëzakonshëm me çdo detaj të strukturës, e cila është unike në këtë lloj objekti sportiv, klubi ka ndërtuar një laborator në një ndërtesë prej 900 metrash katrorë në kompleksin e tij sportiv Valdebebas.

Aty rikrijohen kushtet në të cilat do të ruhet bari, për t’i dhënë kompleksit një shumëllojshmëri përdorimesh që do t’i lejojnë klubit të rrisë ndjeshëm të ardhurat. /Telegrafi/

⚠️ Así luce la espectacular cubierta retráctil del Santiago Bernabéu. pic.twitter.com/3ggnOCRsaE

— Fanáticos RMCF 🟣 (@Fanaticos_RMCF) March 9, 2023