Presidenti amerikan Donald Trump i kërkoi presidentit ukrainas Volodymyr Zelenskiy gjatë një telefonate në korrik të hetonte nëse ish-nënpresidenti Joe Biden mbylli një hetim për një kompani që kishte punësuar të birin, siç tregon një përmbledhje e telefonatës që u bë publike të mërkurën nga administrata e Presidentit Trump.
Demokratët thonë se teksti i zbardhur konfirmon shqetësimet e tyre se Presidenti po e përdorte politikën e jashtme amerikane për të përfituar vetë politikisht. Megjithatë Presidenti Trump i hodhi poshtë sugjerimet se kishte thënë diçka të papërshtatshme. Edhe disa ligjvënës republikanë e mbrojtën presidentin të mërkurën duke thënë se telefonata e zbardhur nuk tregon asgjë inkriminuese.
“Nga mënyra se si e trajtuan çështjen, të dukej sikur ishte një telefonatë nga ferri”, i tha zoti Trump gazetarëve të mërkurën në Nju Jork ku po merr pjesë në Asamblenë e Përgjithshme të Kombeve të Bashkuara .
“Por doli se nuk ishte asgjë, përveç faktit që shumë njerëz thanë ‘nuk e dija që mund të ishte kaq i sjellshëm’”, shtoi Presidenti duke fajësuar “gazetarët e korruptuar” lidhur me debatin.
“Ka shumë për të folur për të birin e Biden-it, që Biden e ndali ndjekjen penale dhe shumë njerëz duan informacion për këtë çështje, prandaj çdo gjë që mund të bëni me Prokurorin e Përgjithshëm, do të ishte e vlefshme”, thotë zoti Trump në telefonatë, sipas përmbledhjes që u vu në dispozicion nga Departamenti i Drejtësisë.
Sipas dokumentit të zbardhur, presidenti Trump tha se zoti “Biden kishte shitur mend shumë herë që mbylli ndjekjen penale prandaj a mund ta shqyrtoni këtë çështje … mua më duket e tmerrshme”.
Administrata e presidentit Trump nuk ka paraqitur prova se anëtarët e familjes Biden kishin bërë ndonjë gjë të gabuar.
Përmbledhja e telefonatës tregonte gjithashtu se zoti Trump i kishte sugjeruar udhëheqësit ukrainas të fliste me avokatin e tij personal, Rudy Giuliani, të cilin ai e cilësoi si “njeri shumë të respektuar” si edhe me Prokurorin e Përgjithshëm, William Barr. Zoti Trump tha se zoti Giuliani do të shkonte në Ukrainë. Zoti Zelenskiy tha do të takohej me zotin Giuliani, kur ai të shkonte në Ukrainë.
Hetim për procesin e shkarkimit
Përmbledhja e telefonatës së zbardhur vjen një ditë pasi Kryetarja demokrate e Dhomës së Përfaqësuesve, Nancy Pelosi, njoftoi fillimin zyrtar të hetimeve nëse Presidenti Trump pati kërkuar ndihmën e një qeverie të huaj për të njollosur një kundërshtar politik dhe për ta ndihmuar në rizgjedhjen e tij vitin e ardhshëm.
Të martën, zoti Trump konfirmoi se kishte ndalur ndihmën ushtarake prej 391 milionë dollarësh për Ukrainën, duke thënë se e bëri një gjë të tillë nga shqetësimet se Shtetet e Bashkuara po kontribuojnë më shumë për Ukrainën, sesa vendet evropiane.
Shtetet e Bashkuara i kanë dhënë ndihmë ushtarake Ukrainës që pas aneksimit të Krimesë në vitin 2014.
Kreu i Komisionit të Zbulimit të Dhomës së Përfaqësuesve, Adam Schiff e quajti “shokuese në një tjetër nivel” që Shtëpia e Bardhë i bëri publike shënimet, duke menduar se kjo do ta ndihmonte në një farë mënyre presidentin.
Presidenti amerikan Donald Trump dhe presidenti ukrainas Volodymyr Zelenskiy u takuan të mërkurën pasdite në Nju Jork ku ndodhen të dy për të marrë pjesë në Asamblenë e Përgjithshme të Kombeve të Bashkuara.
Debati filloi javën e kaluar kur dolën njoftimet se një punonjës i paidentifikuar i zbulimit u alarmua nga një seri veprimesh brenda administratës së Presidentit Trump. Ne mesin e këtyre shqetësimeve ishte edhe biseda telefonike e Presidentit Trump me homologun e tij ukrainas Zelenskiy. /VOA/
Promo
Reklamo këtuLufta Prigozhin - Putin
Më shumëReagon presidenti iranian, Zelenskyt hatërmbetje me aleatët – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Izraeli e njoftoi në minutën e fundit SHBA-në për sulmin ndaj Iranit
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
"Iranianët janë shumë të frikësuar"
Zelensky: Izraeli nuk u la i vetëm me Iranin si ne me Rusinë
Ai e shëtiste me veturën e shtrenjtë një të pastrehë meksikan - nuk e kishte ëndërruar që videot e tij do të ishin shkaktar i një bashkimi familjar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi