Rusia mund të mos jetë në gjendje të paguajë borxhet, pasi sanksionet nga vendet perëndimore u vendosën në vazhdën e agresionit të saj ushtarak në Ukrainë.

Reklama

Po ashtu, agjencitë e vlerësimit të kredive kanë paralajmëruar se një mospagim i borxhit është afër. Megjithatë, ministri rus i Financave, Anton Siluanov ka thënë se interesi i borxhit tashme ishte paguar dhe së është në pritje të zhbllokimit në sistemin bankar, përcjell Telegrafi.

Qeveria ruse – dhe firmat si Gazprom, Lukoil dhe Sberbank – u detyrohen rreth 150 miliardë dollarë investitorëve të huaj. Pjesa më e madhe e kësaj është në dollarë ose në euro dhe pagesat duhet të bëhen në ato monedha.

Rusisë i bllokohet gjysma e rezervës së saj financiare Rusisë i bllokohet gjysma e rezervës së saj financiare
Reklama

Por sanksionet e vendosura nënkuptojnë se Rusia ka humbur qasjen e rezervës financiare prej 300 miliardë dollarëve prej 640 miliardë dollarësh që ka në valutë të huaj. Megjithatë, ajo ende merr dollarë për naftën, gazin dhe gjëra të tjera që shet jashtë vendit.

Reklama

Nëse Rusia dështon, do të jetë mospagimi i parë i borxhit që nga viti 1998. Do të ishte gjithashtu mospagimi i tij i parë për një borxh në valutë të huaj që nga Revolucioni i vitit 1917, kur Qeveria e re Bolshevike refuzoi të njihte borxhet e carit të fundit.

Disa nga marrëveshjet e tjera të borxhit të Rusisë lejojnë përdorimin e monedhave të ndryshme. Kjo do të varej nga fakti nëse pagesa e rublës do të gjykohej të ishte e njëjta vlerë me pagesën fillestare të dollarit ose euros që investitorët prisnin.

Reklama

Agjencia e vlerësimit kreditor Moody’s thotë se në shkallën e saj të vlerësimit prej 21 pikësh, e cila tregon se sa i besueshëm është një vend për të investuar, vlerësimi aktual për Rusinë është në nivelin e dytë.

Reklama
Vendosja e sanksioneve pas nisjes së agresionit ushtarak në Ukrainë – a është Rusia në prag të falimentimit financiar? Vendosja e sanksioneve pas nisjes së agresionit ushtarak në Ukrainë – a është Rusia në prag të falimentimit financiar?

Moody’s thotë se ky vlerësim do të thotë se Rusia mund të falimentojë dhe se po paralajmëron investitorët në Rusi se mund të humbasin midis 35 për qind dhe 65 për qind të parave të tyre.

Fondi Monetar Ndërkombëtar ka thënë se do të ulë parashikimin e saj prej 4.4 për qind të rritjes ekonomike botërore për vitin 2022.

Përpara se të pushtonte Ukrainën, Rusia konsiderohej një nga vendet më të besueshme në botë, me nivele të ulëta borxhi. Mirëpo, gjërat tani kanë ndryshuar në mënyrë dramatike. /Telegrafi/