Presidenti Zeman lejoi mbi 100 çekë të luftojnë përkrah ushtrisë së Ukrainës

Presidenti i Republikës Çeke, Milos Zeman, ka miratuar pjesëmarrjen e më shumë se 100 qytetarëve çek në luftën kundër Rusisë.

Lajmin e ka dhënë zëdhënësi Jiri Ovcacek përmes llogarisë personale në Twitter.

“Presidenti i Republikës, Milos Zeman nënshkroi një vendim duke dhënë pëlqimin që 103 qytetarë t’i bashkohen Forcave të Armatosura të Ukrainës bazuar në kërkesën e tyre të paraqitur në përputhje me Ligjin 855/2004 Për Shërbimin Ushtarak dhe Mbështetjen e tij”, thuhet në njoftim.

Prezident republiky 🇨🇿 Miloš Zeman podepsal rozhodnutí se souhlasem ke vstupu do ozbrojených sil Ukrajiny 103 občanům na základě jejich žádosti podané v souladu se zákonem č. 585/2004 Sb., o branné povinnosti a jejím zajišťování. Rozhodnutí podléhá kontrasignaci předsedy vlády.

— Jiří Ovčáček (@PREZIDENTmluvci) May 11, 2022

Vendimi ende nuk është miratuar nga kryeministri Peter Fiala, “kryeministri do të nënshkruajë pëlqimin e presidentit që qytetarët çek t’i bashkohen Forcave të Armatosura të Ukrainës në të gjitha rastet kur aplikimi vlerësohet pozitivisht nga tre ministri përkatëse”, tha zëdhënësi Vaclav Smolka duke shtuar se bëhet fjalë për Ministritë e Mbrojtjes, të Brendshme dhe të Punëve të Jashtme.

Më herët, mediat raportuan se më shumë se 500 çekë kishin shprehur gatishmërinë për të luftuar në anën e Ukrainës.

Në fillim të marsit, Fiala ra dakord me Zemanin që personat që do të luftonin për Ukrainën nuk do të konsideroheshin kriminelë. Por çështja mbeti me procedurën e miratimit të aplikimit.

Disa njerëz që kishin luftuar në anën e forcave prokure ruse në Donbass u dënuan më pas në Republikën Çeke gjatë viteve të fundit. /Telegrafi/