Presidenti amerikan Donald Trump tha se korrupsioni dhe jo politika, ishte motivi pas kërkesës së tij drejtuar qeverive të huaja për të hetuar rivalin e tij politik, ish-nënpresidentin Joe Biden. Por mesazhet me tekst sugjerojnë se diplomatët amerikanë po inkurajonin presidentin e Ukrainës që të hetonte Bidenin në këmbim të një takimi që udhëheqësi i Ukrainës po kërkonte të zhvillonte me Presidentin Trump.
Michael Atkinson është njeriu të cilit i është besuar hetimi i ankesës së informatorit si dhe për ta sjell çështjen në vëmendjen e zyrtarëve. Të premten ai u mor në pyetje në mënyrë private nga pjesëtar të Kongresit, të cilët po kryejnë hetime për shkarkimin e Trumpit.
Sipas informatorit, Presidenti Trump përdori një telefonatë urimi për presidentin e sapozgjedhur të Ukrainës, për të kërkuar hetimin e ish-zëvendëspresidentit Jo Biden dhe djalit të tij Hunter. Ky i fundit ishte pjesëtar i bordit drejtues të një kompanie energjetike në Ukrainë. Ende nuk janë gjetur prova që Biden veproi në mënyrë të paligjshme apo joetike.
Mesazhet me tekst të sapo publikuara mes diplomatëve duket se mbështesin pretendimet e informatorit. Diplomati i karrierës Kurt Volker i dërgoi mesazh me tekst një ndihmësi të presidentit ukrainas ditën e telefonatës mes Trumpit dhe Zelenskiyit.
Në tekst thuhet se, “kishte dëgjuar nga Shtëpia e Bardhë, duke supozuar se Presidenti Z e bind Trumpin se ai do të hetojë ‘të shkoj në fund të asaj që ndodhi në vitin 2016’ ne do të përcaktojmë datën e një vizite në Uashington”.
“Kina duhet të fillojë një hetim për Biden”, u shpreh Presidenti Trump.
Një ditë pas thirrjes së hapur që Kina të hetojë kundërshtarin e tij politik, Presidenti Trump hodhi poshtë të premten se në telefonatën me presidentin e Ukrainës ishte kërkuar shkëmbim favoresh.
“Nuk më intereson fushata e Bidenit. Më intereson korrupsioni. Fushata dhe politika varet nga ai. Nuk kam interes për çështjet politike”, ka thënë ai.
Trump e pranoi se demokratët në Dhomën e Përfaqësuesve kanë votat e mjaftueshme për të hapur procesin, por të pamjaftueshme në Senat për shkarkimin e tij. Thomas Schwartz me Universitetin Vanderbilt, thotë se largimi i tij kërkon një përqindje të lartë ligjvënësish.
“Do të jetë e jashtëzakonshme, sepse nuk flitet vetëm për shumicën e Senatit që të votojë për ta dënuar atë. Shumica e Senatit votoi për ta dënuar Presidentin Clinton, por nuk arritën të kenë dy të tretat. Pra, dy të treat në të vërtetë është një përqindje e lartë që kërkohet në Senat për ta dënuar atë”, thotë Schwartz.
Mitt Romney është senatori i vetëm republikan që e kritikoi hapur Trumpin. Ai shkroi në Twitter se thirrja e presidentit ndaj Kinës dhe Ukrainës për të hetuar Bidenin ishte e gabuar dhe e tmerrshme dhe se tendos besueshmërinë për të sugjeruar se ka motive të tjera përveçse asaj politike. /VOA/
Promo
Reklamo këtuLufta Prigozhin - Putin
Më shumë‘Hakmarrja’ e Izraelit ndaj Iranit - gjithçka që ndodhi në ditën kritike
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Pamjet satelitore tregojnë se nuk ka dëme të mëdha në Isfahan të Iranit
Izraeli e njoftoi në minutën e fundit SHBA-në për sulmin ndaj Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel