Drita është eliminuar nga garat evropiane në rrethin e dytë të Ligës së Konferencës nga gjiganti belg Royal Antwerp me rezultat të përgjithshëm 0-2.
Ndeshja e parë në Belgjikë kishte përfunduar pa gola 0-0, derisa të dytën në stadiumin ‘Fadil Vokrri’, Antwerp e fitoi me rezultat 0-2, përkundër paraqitjes së mirë të Dritës.
Por gjilanasit përkundër eliminimit, kanë bërë një punë të madhe duke arritur marrëveshje me Antwerpin për shitjen e sulmuesit të tyre Arbnor Muja.
23-vjeçari ishte pjesë e Dritës për vetëm 14 muaj dhe arriti ta bëj hapin e madh në karrierë duke iu bashkua klubit belg, ku fillimisht do t’i kryej testet mjekësore e pastaj do të nënshkruaj kontratë afatgjate.
Lajmin për transferimin e Mujës te gjiganti belg e ka konfirmuar ekskluzivisht për Telegrafin edhe presidenti i FC Dritës, Flamur Bunjaku.
“Është e vërtetë që kemi arritur marrëveshje me skuadrën belge Antwerp për shitjen e Arbnor Mujës. Fillimisht kemi pasur negociata pas ndeshjes së parë, por ato kanë përfunduar pas ndeshjes së dytë të zhvilluar në Prishtinë”, tha Bunjaku ekskluzivisht për Telegrafin.
“Drejtuesit e klubit belg e kishin përcjell që nga viti i kaluar Mujën kur kemi luajtur në garat evropiane, por edhe në kampionat dhe në ndeshjet tona të sivjetshme në Ligën e Konferencës dhe janë bindur për transferimin e tij”, vazhdoi Bunjaku.
I pari i Dritës thotë se shitja e Mujës te Antwerp është një tregues i qartë se klubi është në rrugën e duhur dhe se po iu beson futbollistëve të rinj.
“Paraqitjet tona në Evropë kanë qenë gjithmonë të mira, edhe pse nuk kemi pasur shumë fat në short pasi kemi luajtur ndaj skuadrave shumë të mëdha si Feyenoord apo Antwerp. Drita ka treguar karakter në Evropë duke luajtur si e barabartë përballë ekipeve të mëdha dhe kemi treguar paraqitje shumë të mira”.
“Ne jemi në rrugën e duhur dhe këtë e tregon më së miri marrëveshja me Antwerpin për shitjen e Mujës. Jemi klub që i japim hapësirë lojtarëve të rinj dhe qëllimi ynë është që të shesim sa më shumë në Evropë”, deklaroi Bunjaku.
Krejt në fund presidenti i Dritës i uroi suksese Arbnor Mujës në aventurën evropiane, derisa tha se detajet e marrëveshjes do të bëhen të ditura së shpejti.
“Është një marrëveshje shumë e mirë për ne si klub, sigurisht që do të jetë edhe për lojtarin të cilit i urojmë shumë suksese në aventurën e tij të re. Edhe për ne si klub kjo marrëveshje është një arritje, pasi na bën krenar fakti që një skuadër kaq e madhe si Antwerp blen futbollistë nga ne”.
“Vlen të ceket se ka edhe skuadra të tjera dhe agjentë të ndryshëm që kanë pyetur për lojtarët tanë dhe kjo na jep kënaqësi, por edhe vullnet që të punojmë sa më shumë që të nxjerrim lojtar të rinj për kampionate të ndryshme evropiane”, u shpreh Bunjaku për Telegrafin.
Drita në raundin e parë të Ligës së Konferencës eliminoi skuadrën finlandeze Inter Turku me rezultat të përgjithshëm 3-1, ku Muja ishte më i miri me dy gola e një asistim.
23-vjeçari mitrovicas shkëlqeu edhe sezonin e kaluar në Evropë në dy rrethet ndaj Deçicit dhe Feyenoordit, duke bërë që shumë klube të interesohen për të.
Gjithsesi përveç paraqitjes fantastike në Evropë, Drita bëri që edhe një klub i madh si Antwerp me një drejtor sportiv si legjenda holandeze Marc Overmars të rikthejë sytë nga futbolli ynë. /Telegrafi/
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Juventusi mëson çmimin që duhet të paguajë për transferimin e Edon Zhegrovës
Leicester City fiton rikthimin në Ligën Premier pa e zhvilluar ndeshjen
Mjafton goli i Guler, Real Madridi arkëton tri pikë në udhëtim tek Real Sociedadi
Mësohet shuma e parave që Ten Hag do të ketë në dispozicion për blerje gjatë verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë