Një sasi e konsiderueshme e municionit është gjetur këtë mbrëmje nga ekipet policore në komunën Çair të Shkupit, njofton Shenja.

Reklama

Duke mos dhënë më shumë detaje për sasinë e saktë të municionit të sekuestruar, nga Ministria e Punëve të Brendshme e konfirmojnë informatën dhe thonë se më shumë detaje do të shpalosen ditën e nesërme.

“Sot, gjatë një kontrolli të kryer nga ekipet policore, është gjetur një sasi e konsiderueshme e municionit. Për këtë, është njoftuar Prokuroria Publike dhe po punojmë në zbardhjen e plotë të rastit”, thotë për Televizionin Shenja zëdhënësja e Sektorit për Punë të Brendshme-Shkup, Liza Bendevska, duke shtuar se kjo sasi e municionit është sekuestruar.

Reklama

Sipas informatave jozyrtare, kjo sasi e municionit është gjetur në njërën nga banesat në rrugën “Vukovarska” të Çairit./Telegrafi/

Reklama