Policia ka hedhur gaz lotsjellës ndaj protestuesve afër kufirit të Bërnjakut, pasi ata kundërshtuan t’i largojnë automjetet e tyre për ta zhbllokuar rrugën.

Kjo ka ndodhur pak para orës 17:00, ndërsa masa është shpartalluar.

Mësohet se deri tash nuk ka të lënduar, ndërsa protestuesit janë tërhequr dhe po tubohen nëpër lokacione të ndryshme dhe në numër më të vogël, njofton Kosova Press.

Situata është e qetë, por nën tension edhe gjatë kohës kur po raportojmë.

Sveçla: Ndërkombëtarët kanë qenë të njoftuar për aksionin në lidhje me targat Sveçla: Ndërkombëtarët kanë qenë të njoftuar për aksionin në lidhje me targat

Serbët janë mbledhur në protestë për shkak të masave të reciprocitete të palës kosovare ndaj targave serbe, pas skadimit të marrëveshjes më 15 shtator.

Autoritetet në Kosovë sot nisën aplikimin e masës së reciprocitetit për targat e automjeteve nga Serbia, duke thënë se një vendim i tillë nuk është ndërmarrë kundër serbëve, por është imponuar nga Serbia.

Sipas vendimit, veturat që hyjnë nga Serbia duhet të pajisjen me targa të përkohshme në pikëkalimet kufitare të Kosovës.

Ambasada e SHBA-së: Kosova dhe Serbia të përmbahen dhe t’i ulin tensionet menjëherë Ambasada e SHBA-së: Kosova dhe Serbia të përmbahen dhe t’i ulin tensionet menjëherë

Këto targa të përkohshme po u vendosen veturave në xhamat para dhe prapa.