Policia e Los Angeles është vënë në kërkim të gruas e cila u mundua të rrëmbejë dy fëmijë të moshës 4-vjeçare, në dy lokacione të ndryshme gjatë këtyre dy ditëve.

Autoritet e sigurisë kanë njoftuar se gruaja e paemëruar, është kapur nga kamerat e sigurisë duke u munduar ta rrëmbejë një fëmijë brenda një lokali në Los Angeles, transmeton Telegrafi.

Në video shihet një djalë 4-vjeçar duke qëndruar në afërsi të një dritare, derisa familjarët e tij ishin shpërqendruar duke porositur ushqim. E policia amerikane e ka përshkruar rrëmbyesen si një vajzë rreth të ’30-ve me flokë të zeza.

Është interesant se si pa u menduar dy herë e kapë vogëlushin dhe largohet nga restoranti, sikur të mos kishte ndodhur asgjë e keqe. Por, ishte një vajzë e vogël në lokal që pa çfarë ndodhi dhe alarmoi të rriturit që ndërhynë, kurse rrëmbyesja u largua.

Një rast i ngjashëm ka ndodhur në një lokacion tjetër, por edhe aty i kishte dështuar tentativa. E autoritet e sigurisë u bëjnë thirrje të gjithë qytetarëve që kanë informacione që ndihmojnë në kapjen e rrëmbyeses që t’i telefonojnë stacionit më të afërt të policisë. /Telegrafi/