Plagosen pesë policë dhe një grua pas të shtënave me armë zjarri në Phoenix

Pesë policë dhe një grua janë plagosur pasi një burrë hapi zjarr nga shtëpia e tij në Phoenix.

Incidenti u shpalos rreth orës 02:00 pranë zonës së 54th Avenue dhe Elwood Street, kur policia iu përgjigj një thirrjeje për të shtëna me armë zjarri.

Ndërsa polici i parë iu afrua shtëpisë, i dyshuari hapi zjarr dhe e plagosi në disa pjesë të trupit, raporton nypost.

Polici raportohet se është aktualisht në një gjendje të rëndë, por pritet të shërohet, njoftoi shefi i policisë së Phoenix, Jeri Williams.

BREAKING NEWS: this is video from the scene where 5 @PhoenixPolice officers were shot. You’ll see one man bring out a baby, who is okay. He’s taken into custody — then more shots are fired from the house at police. #azfamily 🙏🏽💙 pic.twitter.com/Z7H3I6IdCL

— Olivia Fierro (@oliviafierro) February 11, 2022

Në një moment gjatë përplasjes, burri i armatosur nxori jashtë shtëpisë një foshnje në karrocë.

“Ndërsa policët shkuan për ta sjellë foshnjën, i dyshuari vazhdoi të qëllonte – duke u shkaktuar plagë katër policëve të tjerë”, njoftoi Williams.

I dyshuari më pas u barrikadua brenda shtëpisë. Autoritetet pohuan se përleshja vazhdoi deri në ora 06:00, sipas kohës lokale amerikane.

Të pesë oficerët – dhe gruaja që u plagos rëndë – u dërguan të gjithë me urgjencë në spital. Foshnja nuk ishte lënduar.

Nuk ishte e qartë se si u plagos gruaja. Policia është ende duke u përpjekur të përcaktojë nëse i dyshuari, gruaja dhe foshnja kanë lidhje mes tyre – dhe çfarë çoi në të shtënat fillestare. /Telegrafi/

5 Phoenix police officers shot overnight:
-2 @ St Joe’s
-2 @ Banner University pic.twitter.com/VofQV2p82H

— Gina Maravilla (@GinaMaravillaTV) February 11, 2022