LAJMI I FUNDIT:

Petrovska – Brieger: Maqedonia e Veriut është eksportuese e sigurisë dhe stabilitetit në rajon dhe në Evropë

Petrovska – Brieger: Maqedonia e Veriut është eksportuese e sigurisë dhe stabilitetit në rajon dhe në Evropë

Ministrja e Mbrojtjes, Sllavjanka Petrovska mëngjesin e sotëm në Bruksel është takuar me kryesuesin e Komitetit ushtarak të Bashkimit Evropian, gjeneralin Robert Brieger, me të cilin ka biseduar për kontributin e Maqedonisë së Veriut ndaj sigurisë rajonale dhe globale dhe për intensifikimin e bashkëpunimit mbrojtës mes shtetit tonë dhe Bashkimit Evropian.

“Me të vërtetë mund të jemi krenarë për atë që kemi arritur. Nga importi i sigurisë, Maqedonia e Veriut është pozicionuar si shtyllë e sigurisë rajonale dhe stabilitetit. Konfirmim për këtë është pjesëmarrja jonë në operacionin e BE-së në Bosnjë e Hercegovinë, ALTEA nga viti 2006, si dhe pjesëmarrja jonë në grupet luftarake të Unionit”, tha ministrja në takim. Theksoi se deri më tani 363 pjesëtarë të armatës kanë qenë pjesë e ALTA-s, ndërsa në misionin e BE-së në Republikën e Afrikës Qendrore kanë marrë pjesë gjashtë oficerë të armatës.

Siç informojnë nga Ministria e Mbrojtjes, Petrovska ka shprehur kënaqësinë për intensitetin e fuqishëm të bashkëpunimit në mbrojtje ndërmjet vendit dhe Bashkimit Evropian dhe falënderoi për mbështetjen evropiane të procesit të modernizimit dhe pajisjes së Armatës me nëntë milionë euro të siguruara përmes Fondit paqësor evropian.

“Fakti që Fondi paqësor evropian tregoi interes për të mbështetur pajisjen dhe modernizimin e Armatës me 9 milionë euro, tregon se interesimi për marrëdhënie edhe më të ngushta mes Maqedonisë së Veriut dhe Unionit është i madh. Vendi ynë ka nisur procesin e anëtarësimit, shoqëria jonë bazohet në vlerat moderne evropiane dhe ne i përkasim Evropës”, përfundoi ministrja.

Gjenerali Briger shprehu kënaqësinë që të dyja palët janë ambicioze në synimin e tyre për të forcuar bashkëpunimin në mbrojtje dhe falënderoi për pjesëmarrjen afatgjatë të pjesëtarëve të Armatës së Republikës së Maqedonisë së Veriut në misionet dhe operacionet e Unionit.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori