Përplasja e papritur me Gjestit dhe Eglit, banori: Jam larguar sepse s’kam qenë mirë emocionalisht

Ditëve të fundit, tensionet mes Eglit dhe Gjestit kanë tërhequr vëmendjen brenda dhe jashtë shtëpisë së Big Brother VIP Albania.

Në spektaklin e sotëm, dyshja ka sqaruar hapur arsyet e përplasjes së tyre dhe distancimit që ka ndodhur së fundmi.

Deklaratat e tyre kanë ndriçuar situatën dhe emocionet e komplikuara mes tyre.

View this post on Instagram

A post shared by Big Brother Alb VIP Edition (@bigbrotheralb_vip)

Egli, dukshëm e prekur nga ngjarjet, ndau ndjenjat e saj për distancimin: “Po flas për të sotmen. Shtëpia sot nuk ka qenë fare e bukur për mua, ka qenë bosh. Shumica e kësaj ndjenje vjen nga ajo që ndodhi mes meje dhe Gjestit. Kam nevojë për një konfirmim që të më japë një drejtim në këtë marrëdhënie”.

Nga ana tjetër, Gjesti shpjegoi se përse ka qenë më i tërhequr kohët e fundit dhe reflektoi mbi marrëdhënien e tij me Eglin: “Jam distancuar sepse ndiej se Egli mendon që unë po bëj lojë. Në fakt, jam emocionalisht i trazuar dhe nuk dua ta lëndoj. Kam folur me të dhe i kam thënë që çfarëdo që ka, të vijë dhe të ma thotë në mënyrë të qetë. Gjithashtu, kur kemi debatuar, i kam thënë ‘zhduku’ dhe e pranoj se kjo ka qenë një shprehje e tepërt. Megjithatë, më shqetëson kur njerëzit brenda më shtyjnë të pranoj diçka që nuk është e vërtetë, si p.sh. të them që kam një grua jashtë. Për këtë gjë kam folur hapur dhe e kam sqaruar”.

Situata u bë më emocionale kur Egli ndau ndjenjat e tij të thella për Gjestin, duke përmendur: “Nuk po e fsheh. Kam ndier flutura në stomak, emocion të sinqertë për Gjestin. Por nuk mund ta pranoj që po trajtohem sikur jam një përbindësh”.

Në një moment reflektimi, Gjesti sqaroi se pavarësisht ndjenjave të tij për Eglin, ai ende nuk është i gatshëm për një hap më të madh emocional: “E ndjej Eglin, më pëlqen të kaloj kohë me të. Por nuk kam arritur në atë pikë që të ndjej diçka më të thellë. Jam ende duke reflektuar për emocionet e mia”.

Kjo bisedë e hapur dhe e sinqertë ka ngjallur reagime të ndryshme si brenda ashtu edhe jashtë shtëpisë së Big Brother VIP Albania.

Ndërkohë, mbetet për t’u parë se si do të zhvillohet dinamika mes dy banorëve në ditët e ardhshme. /Telegrafi/