Përpara vdekjes – Tina Turner thuhet se shiti një katalog për afro 50 milionë euro

Vdekja e ikonës, Tina Turner, u njoftua të mërkurën.

Këngëtarja kishte dalë në pension për dekadën e fundit të jetës së saj dhe dy vite më parë shiti të gjithë katalogun e saj muzikor.

Turner i dha të drejtat kompanisë botuese BMG në atë që e quajti blerjen e vetme më të madhe të muzikës së një artisti.

“Ne të gjithë e dimë se sa ikonë është puna e Tina”, tha CEO i BMG Hartwig Masuch për Rolling Stone në 2021.

“Kur shikoni dimensionet që karriera e Tina ka hyrë edhe në vitet e fundit midis muzikaleve dhe dokumentarëve, ka ende shumë potencial të pashfrytëzuar me trashëgimia e saj”.

Shuma e marrëveshjes nuk u bë e ditur, por BBC Neës raportoi në atë kohë se ekspertët e përcaktuan atë në rreth 50 milionë euro.

Këngëtarja e “Proud Mary” tha në atë kohë që ndjeu se muzika e saj ishte “në duar të besueshme”.

“Si çdo artist, mbrojtja e veprës së jetës sime, trashëgimia ime muzikore, është diçka personale”, tha Turner në një deklaratë pas shitjes.

“Kam besim se me BMG dhe Warner Music, puna ime është në duar profesionale dhe të besueshme”.

Të përfshira në marrëveshje ishte emri, imazhi dhe ngjashmëria e saj si dhe të drejtat e autorit e të drejtat e botimit për të gjithë katalogun e saj, duke përfshirë hitet si “What’s Love Got To Do with It”, “The Best” dhe “Private Dancer”.

Turner po ndiqte një trend të kohëve të fundit të mega-yjeve të tjerë si Bob Dylan, Justin Bieber dhe Bruce Springsteen, të cilët gjithashtu zgjodhën të shesin katalogët e tyre.

E njëjta vdiq në shtëpinë e saj në Zvicër pas një sëmundjeje të gjatë. /Telegrafi/