Përkundër sëmundjes së rëndë, Olivia Newton-John merr pjesë në një eveniment humanitar

Aktorja dhe këngëtarja, Olivia Newton-John, ka marrë pjesë në një mbrëmje humanitare në Hollywood, përkundër gjendjes së rëndë shëndetësore.

Ylli australian vuan nga kanceri i gjirit në fazën e katërt, ndërsa ka dashur t’u tregojë fansave të saj se nuk e humb shpresën duke thënë se ndihet shumë mirë.

“Kur ju diagnostikojnë me karcinomë ose ndonjë tjetër sëmundje serioze, është sikur përnjëherë ju kufizohet koha. Nëse u besoni statistikave, do të jenë të prirë për prognoza të zeza, sepse nëse dikush ju thotë se keni edhe gjashtë muaj jetë, me siguri se kjo do të jetë e saktë, sepse e besoni atë”, ka deklaruar 70-vjeçarja për USA Today.

Olivia ka vuajtur nga kanceri para 27 viteve dhe asokohe ishte mjekuar, mirëpo sëmundja iu kthye në vitin 2012 dhe sërish në vitin 2017. Megjithatë, ajo nuk dorëzohet edhe tash, kur kanceri është në fazën e katërt.

“Dua që të gjithë ta dini se jam këtu dhe se ndihem shkëlqyeshëm. Vërtet ndihem mirë|, ka thënë Newton-John në mbrëmjen humanitare, “Dance Awards & Cancer Benefit Show”, që kishte për qëllim grumbullimin e fondeve për të sëmurët nga kanceri. /Telegrafi/