Përgatitja e thithave për ushqyerjen e bebes me gji

Si rregull, lythat në sisë nuk kërkojnë përgatitje të veçanta. Sidoqoftë, shumica e grave janë më të relaksuara nëse në fund të fundit bëjnë diçka

Në situata të caktuara, ndihma do të jetë e domosdoshme, transmeton Telegrafi.

Para së gjithash, te gratë, thithat e të cilave janë tërhequr plotësisht ose nuk kanë zhvillim të mjaftueshëm të indit të gjëndrave të gjirit.

Gjëja më e rëndësishme është që assesi të mos i bëni këto përgatitje pa u konsultuar me mjekun tuaj dhe para se të hyni në termin (në javën e 37-të), sepse stimulimi i thithave mund të shkaktojë kontraksione dhe të fillojë lindjen e fëmijës!

Disa nga metodat e përgatitjes së thithave për ushqyerjen me gji janë:

▪ fërkimi i butë me një peshqir pas dushit;
▪ ekspozimi në ajër për një kohë gjatë ditës (hiqni sytjenat dhe lini rrobat tuaja mbi sisë);
▪ masazh (deri në javën e 37-të vetëm të areolës, jo edhe vetë thithave) me ndonjë preparat – pika AD, vaj për foshnja, lanolinë ose balsam për thithat.

Nëse problemet vazhdojnë kur ushqimi i foshnjës fillon, disa metoda që mund të ndihmojnë janë:

▪ thithat artificiale (silikoni),
▪ pajisje speciale që përdorin një vakum për të nxjerrë thithat,
▪ përdorni një pompë për pompimin e qumështit para se të ushqeni foshnjë me gji.

Më e rëndësishme se këto përgatitje janë, mbi të gjitha, përgatitja psikologjike për ushqyerjen me gji. Mundohuni të merrni sa më shumë informacion dhe këshilla. /Telegrafi/