Mbrojtësi brazilian i Romës, Bruno Peres ende shpreson në titullin e kampionit.

I transferuar nga Torino, Peres është mësuar ta ketë rivalë Juventusin.

Ai ka theksuar se shtatë pikë diferencë për Juven janë të mëdha, por gjithsesi ka ende lojë.

“Përderisa jemi ende në garë matematikisht ne duhet të besojmë në titull”.

“Juventusi është duke kaluar momente të mira, por besoj që do të lëshojnë pikë. Ne duhet t’i fitojmë të gjitha ndeshjet pastaj të shohim”, ka deklaruar Peres.

Gjithsesi Roma mbetet në garë edhe në Kupën e Italisë dhe Ligën e Evropës.

“Janë dy trofe tjerë në lojë që me të vërtetë i duam. Kemi potencial të fitojmë trofe dhe u premtojmë tifozëve se do të bëjmë gjithçka për të fituar së paku një”, deklaroi Peres. /Telegrafi/