Për shkak të gjendjes shëndetësore të avokatëve të Janevës, anulohet seanca për rastin “Haraçi”

Për shkak të përkeqësimit të gjendjes shëndetësore të avokatëve të Katica Janevës, Deljo Kadiev dhe Irena Frçkovska, këtë mëngjes është anuluar seanca e sotme për rastin “Haraçi”.

Në seancën e sotme është dashur të dëshmojë prokurorja Lile Stevanova, e cila u paraqit në gjykatë, por nuk deshi të jep deklaratë për media para se të dëshmojë para trupit gjykues, përcjell Telegrafi Maqedondi.

Seanca e radhës është caktuar për të enjten.

Rastin e udhëheq gjykatësja Vaska Nikollovska-Masevska dhe ndodhet në procedurë dëshmuese.

Si dëshmitar në gjykatë dëshmi paraprakisht dha edhe zëvendësja e ish-prokurores publike speciale Katica Janeva, Elizabeta Josifovska.

Deri më tani dëshmi dhanë edhe biznesmeni Orce Kamçev, bashkëshortja e tij Ana Kamçeva, kontabilistja në kompanitë private, Kamçevi, gazetari Kristian Banevski nga televizioni 1TV si dhe të tjerë.

Prokuroria Themelore Publike për përndjekjen e krimit të organizuar dhe korrupsionit në tetor të këtij viti shtroi aktakuzë kundër Bojan Jovanovskit, Katica Janevës dhe Zoran Milevskit.

I akuzuari i parë Jovanovski dyshohet se ka kryer vepër penale “larje parash dhe të ardhura të tjera si vepër penale”, ndërsa Janeva dhe Milevski për “pranimin e shpërblimit për ndikim të jashtëligjshëm”. E akuzuara e dytë Janeva ngarkohet edhe se ka kryer vepër penale “keqpërdorimin e pozitës zyrtare dhe autorizimit”.

Në seancën e parë për lëndën “Haraçi”, i akuzuari i tretë Zoran Milevski-Kiçeec e pranoi fajin, me ç’rast u dënua me tre vjet burg./Telegrafi/