Penalltitë dhe kartonët e kuq ndëshkojnë Shqipërinë (Video)

Shqipëria ka pësuar në kuadër të kualifikueseve për botërorin Rusia 2018.

Kombëtarja shqiptare është mposhtur në stadiumin Elbasan Arena kundër Izraelit me rezultat të papritur prej 3-0.

Në një ndeshje me dy kartonë të kuq (Berat Gjimshiti dhe Etrit Berisha) dhe dy penalti për kundërshtarët, kuqezinjtë nuk arritën të nxjerrin pikë kundër izraelitëve, raporton Telegrafi.

Megjithëse në minutat e parë futbollistët tanë kishin iniciativën, mysafirët kaluan në epërsi pas një sulmi jo të rrezikshëm.

Në fakt, Izraeli fiton një penallti në minutën e 17-të të takimit pas ndërhyrjes nga mbrapa të Berat Xhimshitit, i cili ndëshkohet me kartonë të kuq. Eran Zahavi realizoi gol prej pikës së bardhë, duke mposhtur portierin Etrit Berisha.

Në vazhdim të ndeshjes, Shqipëria e kërkoi golin por pjesa e parë përfundoi me epërsinë e izraelitëve.

Edhe në pjesën e dytë, shqiptarët këmbëngulën për të barazuar rezultatin, por mysafirët dyfishuan rezultatin.

Paraprakisht, në zonën e rreptësisë Etrit Berisha pas një fjalosje me sulmuesin Zahavi, godet këtë fundit me kokë, me ç’rast gjyqtari kryesor tregon në pikën e bardhë dhe portieri shqiptar ndëshkohet me karton të kuq.

Portieri Alban Hoxha u inkuadrua në ndeshje në minutën e 58-të takimit, ku edhe u tregua i saktë duke e mbrojtur penaltinë.

https://www.dailymotion.com/video/x51sh4w_etrit-berisha-red-card-albania-0-1-israel-12-11-2016_sport

Megjithatë, Izraeli arriti të shënoj golin e dytë pas një pakujdesie të mbrojtjes shqiptare përmes Einbinder.

https://www.dailymotion.com/video/x51shoq_dan-einbinder-goal-hd-albania-0-2-israel-12-11-2016_sport

Golin e tretë për izraelitët e realizoi Eliran Atar, i cili gjashtë minuta para përfundimit të takimit finalizoi një sulm të nisur personalisht.

Në vazhdim të ndeshjes, edhe pse me dy lojtarë më tepër, izraelitët u mbronin dhe përmes kundërsulme u përpjekën të kthenin rezultatin, por kjo gjë nuk u arrit dhe ndeshja përfundoi me fitoren e mysafirëve me rezultat 3-0.

Pas kësaj humbje, Shqipëria zë pozitën e katërt me gjashtë pikë të grupit G, ndërsa Izraeli gjendet në vendin e tretë me nëntë pikë. /Telegrafi/