Pejanët ishin dominues që nga minuta e parë e sfidës, ndërsa çerekun e parë e mbyllën me rezultat 7:32.
Loja e tyre e mirë vazhdoi edhe në çerekun e dytë, ashtu që gjysma e parë përfundoi me 30 pikë diferencë (18-48).
Mysafirët vazhduan të luanin mirë në çerekun e tretë, në të cilin e ngritën epërsinë në 39 pikë (31:70).
Dhe në çerekun e fundit e fundosën tërësisht kundërshtarin duke fituar me rezultat të thellë (47-97).
Pas kësaj fitoreje, Peja është në krye të tabelës së ETC Superligës së Kosovës në Basketboll, me një pikë më shumë se Sigal Prishtina që akoma nuk e ka zhvilluar ndeshjen e kësaj jave. /Telegrafi/
