PDK merr pjesë në takimin konsultativ, Krasniqi: Kryesuesi i seancës ta hedh në votim raportin  

Kryetari i Partisë Demokratike të Kosovës, Memli Krasniqi ka bërë të ditur se PDK i është përgjigjur pozitivisht ftesës së kryesuesit të seancës Avni Dehari për takim konsultativ për të treguar se kjo parti është e gatshme për t’i dhënë drejtim konstituimit të organeve.

Krasniqi para seancës konstituive i ftoi deputetët të jenë në sallën plenare për të votuar raportin.

“Dua t’ju them shumë qartë jemi këtu për të konstituar Kuvendin dhe për të dhënë pastaj drejtim konstituimit të organeve tjera siç kanë dalë nga zgjedhjet… I ftoj deputetët të jenë në sallë për të votuar…”, tha ai.

Krasniqi po ashtu e ftoi kryesuesin e seancës që të mos bie nën ndikimin e manipulimeve partiake, por ta luaj rolin e tij sipas rregullores dhe ta hedh në votim raportin e Komisionit.

“…Përsëri sot ka ftuar konsultë jashtë kompetencave të tij, siç i ftoi para dy ditësh por megjithatë ne për të treguar se jemi të interesuar për të ecur para jemi në takim konsultativ dhe në ora 12:00 t’i hidhet në votim dhe të ecet tutje”, tha ai. /Telegrafi/